چاویارنیوز _ ئیلهام ئەحمەد هاوسەرۆکی پەیوەندییەکانی دەرەوەی ئیدارەی خۆسەری باکوور و رۆژهەڵاتی سوریا لە چاوپێکەوتنێکیدا لەگەڵ ئاژانسی هەواڵی میزۆپۆتامیا، باس لەوەدەکات: لەئێستادا کە پرۆسەی ئاشتی لە تورکیا بوونی هەیە، چیتر پێویستە تورکیا دیدو بۆچوونی لەسەر کورد بگۆڕێت، بەتایبەت لە باکوور و رۆژهەڵاتی سوریا و ئەوان هیچ کاتێک دوژمنایەتییان بەرامبەر تورکیا پیشاننەداوە و لە داهاتووشدا کارێکی لەوجۆرە ناکەن.
لە دیدارەکەیدا لەگەڵ ئاژانسی هەواڵی میزۆپۆتامیا، ئیلهام ئەحمەد وتوویەتی: بەهۆی سیاسەتیی ناوخۆیی تورکیاوە، چەندین ساڵە تورکیا، کورد لە سوریا وەک هەڕەشەیەک دەبینێت بۆسەر ئاسایشی وڵاتەکەی، لەکاتێکدا هیچ کاتێک کوردەکان دوژمنایەتییان بەرامبەر تورکیا پیشاننەداوە و کارێکی لەوجۆرەش ناکەن، بەپێچەوانەوە ئێمە لەئێستادا و لە پرسی سەقامگیریی سوریادا بەرژەوەندیی هاوبەشمان هەیە و ئەوەش بۆ سەقامگیریی تورکیا کاریگەریی دەبێت.
ئاماژەی بەوەشکردووە، لەبارەی پێگەی کوردە لە سوریادا، تێڕوانینێک لە تورکیا هەیە ئەو پێگەیە بۆ کورد بە ڕەوانابینێت، هەر ئەوەش وایکردووە کاریگەریی خراپ بکاتەسەر گفتوگۆی نێوان ڕۆژئاڤا و دیمەشق و لە پەیوەندییەکانماندا لەگەڵ دیمەشق ڕەنگ بداتەوە.
لەدواین بەشی دیدارەکەیدا دەڵێت: ئێمە لە باکوور و ڕۆژئاڤای سوریا هەمیشە کراوەین بەڕووی هەموو چارەسەرییەکدا و بەشێکین لە سوریا، دەتوانین وەک بەشێک لە سوریا ڕاوێژ لەگەڵ تورکیا بکەین.
ئیلهام ئەحمەد: لەگەڵ تورکیا بەرژەوەندیی هاوبەشمان هەیە
هاوسەرۆکی پەیوەندییەکانی دەرەوەی ئیدارەی خۆسەری باکوور و رۆژهەڵاتی سوریا لە دیدارێکدا ڕایگەیاند: ئەوان لەگەڵ تورکیا بەرژەوەندیی هاوبەشیان هەیە، پێویستە تورکیاش هەڵوێستەکانی بەرامبەر کورد بگۆڕێت.
No Comment! Be the first one.