چاویارنیوز _ سه‌عدی ئه‌حمه‌د پیره ئه‌ندامی مه‌كته‌بی سیاسی یه‌كێتيی نیشتمانيی كوردستان له‌چاوپێكه‌وتنێكدا جه‌ختی كرده‌وه کە یەکێتی چاوی لەوە نییە شەڕ بۆ پۆست بکات بەڵکو ئێمە كێشه‌یمان له‌گه‌ڵ شێوازی حوكمڕانی هه‌یه، لەمەشدا پارتی ده‌یه‌وێت خۆی وەک حاكمێکی تاک و تەنها بسەپێنێت، بەڵام یه‌كێتی ئه‌مه قبوڵ ناكات.
سەعدی پیرە ئاماژە بەوەدەکات، با پارتی بۆ خۆی %51 كورسیه‌كانی پەرلەمان کۆبکاتەوە و حاكم بێت و حكومه‌ت دروست بكات، بەڵام ئه‌گه‌ر ئه‌و ده‌یه‌وێت له‌گه‌ڵ ئێمه حكومه‌تێك دروست بكات کە شەراکەت بێت، ده‌بێت حاكمیه‌تێكی موشته‌ره‌ك بێت.
ڕاشیگەیاند: نمونەکانی پێشوومان بینی کاتێک پارتی لەگەڵ بزووتنەوەی گۆڕان حكومه‌تی پێکهێنا، بەڵام شكستی هێنا، کەواتە بۆچی ئه‌زمونێكی سه‌رنه‌كه‌وتوو دووباره‌بكه‌ینه‌وه. پارتی كه كورسی زیاتره مانای ئه‌وه نییه هه‌مو خه‌ڵك له خزمه‌تی ئه‌واندابێت و ئه‌وانیش حساب بۆ كه‌س نه‌كه‌ن.
سه‌عدی ئه‌حمه‌د پیره:
هیچ حکومەتێک بەبێ یەکێتی پێکناهێنرێت
ئه‌ندامێکی مه‌كته‌بی سیاسی یه‌كێتیی نیشتمانیی کوردستان دەڵێت: یەکێتی ئەوە قبوڵ ناکات کە پارتی بیه‌وێت به تەنها حاكم بێت، چونکە سه‌رۆك وه‌زیرانی هه‌رێمێكی یه‌كگرتوو، به‌بێ یه‌كێتی نابێت و ڕەتدەکرێتەوە.
No Comment! Be the first one.