چاویارنیوز _ هێرۆ عەتار ئەندامی پەرلەمانی کوردستان کە دەستلەکارکێشانەوەی خۆی لە ڕێزەکانی کۆمەڵی دادگەریی ڕاگەیاند وتی: کۆمەڵی دادگەری بە پاساوی “دیزاینکردنی هەڵبژاردن” بایکۆتی پەرلەمانی کوردستانی کردووە، بەڵام هیچ بەڵگەیەکی لەوبارەیەوە نییە و کۆمەڵیش هیچ بەڵگەیەکیان لەسەر دیزاینکردنی هەڵبژاردن بە من نەداوە.
دوای ئەوەی کۆمەڵی دادگەری کشایەوە لە پەرلەمان و تەنها سێ کورسیی بەدەستهێنا، هێرۆ عەتار پابەندی بڕیاری بایکۆت نەبوو و سوێندی یاسایی خوارد و وتی: کۆمەڵ بەڵگەی دیزاینی هەڵبژاردنی نییە، بۆیە کۆمەڵ لە ڕیزەکانی خۆی دووریخستەوە.
لەگەڵ ڕاگەیاندنی ئەنجامەکانی کۆمەڵی دادگەریی کوردستان لە هەڵبژاردنی ئەنجومەنی نوێنەرانی عێراق کە دەنگەکانی دابەزی بۆ 49,756 دەنگ، هێرۆ عەتار پێیوایە: دەبوو 70%ی سەرکردایەتیی کومەڵ بەهۆی ئەو شکستەوە دەستیان لەکاربکێشایەتەوە و کۆنگرەیەکی نوێیان ببەستایە.
دەبوایە %70ی سەرکردایەتیی کۆمەڵ دەستیان لەکار بکێشایەتەوە
ئەندامێکی پەرلەمانی کوردستان دەڵێت: ئێستا پەرلەمانتارێکی سەربەخۆم و دوای شکستی کۆمەڵی دادگەریش لەهەڵبژاردنی ئەنجومەنی نوێنەراندا، دەبوایە سەرکردایەتیی ئەو حیزبە دەستیان لەکار بکێشایەتەوە.
No Comment! Be the first one.