چاویارنیوز _ زاگرۆس هیوا وتەبێژی کۆما جڤاکێن کوردستان(کەجەکە) بۆچوونی خۆی لەسەر پرۆسەی ئاشتی دەردەبڕێت و دەڵێت: کورد لەگەڵ دەوڵەتی تورکیا ئەزموونێکی زۆری هەیە و 10 ساڵ پێش ئێستا کورد ویستوویەتی ئاشتی لەگەڵ تورک بکات، بەڵام تورکیا دەیویست کورد لەناوببات و بەتەواوی ڕادەستی تورکیا ببێت، هەرئەوەشبوو وایکرد تورکیا بۆ ماوەی 10 ساڵ عەبدوڵڵا ئۆجەلان ڕێبەری کورد گۆشەگیر بکات و بە ئاگر و ئاسن هێرشیان کردەسەر کورد و پەکەکە، بەڵام کورد نەک لەناونەچوو، بەڵکو بەهێزتربوو.
وتی: کورد نیەتی وایە پرۆسەی ئاشتی بۆ پێشەوە بچێت وەک دەبینن لە یەک ساڵدا پێنج هەنگاوی گەورە و گرنگی لەو پێناوەدا ناوە، وەک بانگەوازیی ڕێبەری پەکەکە، ئاگربەستی تاكلایەنە، بەستنی كۆنگرەی بڕیاری هەڵوەشاندنەوە، سووتاندنی چەک، پاشان ڕاگەیاندنی كشانەوەی هێزەكانی گەریلان، لەبەرامبەردا ئەوەی تورکیا کردوویەتی تەنها پێکهێنانی کۆمسیۆنە پەرلەمانییەکەیە و هیچ هەنگاوێکی کردەیی نەناوە، ئەوەش بۆ خۆی واتای ئەوەیە کە تورکیا چارەسەر و ئاشتیی ناوێت و تائێستا دیارنییە ئایا تورکیا ترسی لە گۆڕانکارییەکانی ڕۆژهەڵاتی ناوەڕاست هەیە، یان سیاسەت و بیرکردنەوەی بەرامبەر کورد گۆڕاوە، یان خۆی بۆ هێرشێکی نوێ ئامادەدەکات دژی کورد.
تورکیا زەرەردەکات ئەگەر کورد فریوبدات
وتەبێژی کەجەکە ئاماژە بەوەدەدات: نەتەوەی کورد ئاشتیخوازە، ئەگەر تورکیا بیەوێت لە پرسی ئاشتیدا کورد فریوبدات، ئەوا کورد لە شەڕ ناترسێت و دەوڵەتی تورکیا زەرەرێکی گەورە دەکات.
No Comment! Be the first one.