بۆ سێیەم ڕۆژ دابەشکردنی مووچە بەردەوامە

چاویارنیوز _ دوای ئەوەی حکومەتی هەرێم لە ڕۆژانی یەکشەممە و دووشەممەدا، دەستیکرد بە دابەشکردنی مووچەی مانگی ئەیلول-9ی فەرمانبەران و لەڕۆژی یەکەمدا، دەستەی دەستپاکیی و وەبەرهێنان و ژینگە و مین ناوچەکانی دەرەوەی هەرێم، کۆمسیۆنی باڵای هەڵبژاردن، دیوانی چاودێری دارایی و مافی مرۆڤ،خاونەپێداویستی تایبەت، ئاوەدانکردنەوە و نیشتەجیکردن، مووچەیان وەرگرت.
هەروەها دوێنێ دووشەممەش، خانەنشینی پێشمەرگە، خاوەن پێداویستیی تایبەت، ئاوەدانکردنەوەو نیشتەجێکردن، تەندروستی، ناوخۆ، داد، ئەنجومەنی دادوەری، پلاندانان، بازرگانی و پیشەسازی، سامانەسروشتییەکان، گواستنەوەو گەیاندن، کشتوکاڵ و سەرچاوەکانی ئاو، شارەوانیی و گەشتوگوزار، مووچەیان وەرگرت.
ئەمڕۆ سێشەممەش کۆتا ڕۆژی دابەشکردنە و کارو کاروباریی کۆمەڵایەتی، ڕۆشنبیریی و لاوان، کارەبا، ئەوقاف و کاروباری ئایینی، دیوان و لیواکانی پێشمەرگە، یەکەی 70 و 80، پۆلیسی نەوت، ئەنجومەن و دەزگای ئاساییش، چەند شوێنێکیتر دابەشدەکرێت.
ئەمەش لەکاتێکدایە، ساڵی ئابووریی عێراق تەنها 30 ڕۆژی ماوە، بەڵام مووچەخۆرانی هەرێم هێشتا مووچەی مانگەکانی 10، 11 و 12ی وەرنەگرتووە.