چاویارنیوز _ “ژێئۆرگیوس دۆنیس” سەرۆکی ڕاهێنەری هەڵبژاردەی سعودیە دوای یەکسانبوونیان لەگەڵ ئۆرۆگوێ لە یەکەم یاری کۆمەڵەی Hی مۆندیالی 2026، سەرسوڕمانی خۆی لە ئەنجامە چاوەڕواننەکراوەکانی کۆمەڵەکە دەربڕی و پێیوابوو گەورەترین شۆکی کۆمەڵەکە، یاریی تیپەکەی نەبووە، بەڵکو یاریی نێوان ئیسپانیا و کیپ ڤێرد بوو.
دۆنیس لە لێدوانەکانی دوای یارییەکەدا ڕایگەیاند: ڕەنگە یەکسانبوون لەگەڵ ئیسپانیا گەورەترین سەرسوڕمانی جامی ئیسپانیا بێت، کیپ ڤێرد زۆر بەهێز دەرکەوت، ئەوە نییە کە تیپە پاڵێوراوەکان گۆڕانکارییان بەسەردا هاتبێت، ئیسپانیا و ئۆرۆگوێ هێشتا هەڵبژاردەی سەرەکین.
ناوبراو بە ئاماژەدان بە مەرجەکانی کۆمەڵەی (H) وتیشی؛ ئەنجامەکانی هەفتەی یەکەم بەتەواوی چاوەڕواننەکراو بوون و هەر چوار تیپەکە لە ڕیزبەندی یەکسان بوون بە خاڵێک دوای کۆتایی هاتنی یارییەکان؛ بابەتێک کە بە گوتەی ئەو ئاماژەیە بۆ سەختی و هاوسەنگی بەرزی ئەم گرووپە.
ڕاهێنەرە سعودییەکە هەروەها ڕوونکردنەوەیەکی لەبارەی ئاستی تیپەکەی لە یارییەکەی بەرامبەر ئۆرۆگوێ دا و ڕایگەیاند، سەرەڕای پلانی یارییەکی هێرشبەرانە، بەڵام تیپەکەی بە مەبەست لە گێمی دووەمدا لە دواوە یاریی کرد بۆ پاراستنی یەکسانبوونە بەنرخەکە.
لە کۆتاییدا دۆنیس جەختی لەوە کردەوە کە بەدەستهێنانی ئەم یەک خاڵە لە کۆمەڵەیەکی ئاوا سەختدا دەتوانێت ڕۆڵێکی گرنگ بگێڕێت لە بەردەوامی ڕێگای تیپەکەی لە مۆندیالدا.
No Comment! Be the first one.