چاویارنیوز _ مۆندیالی 2026 تەنها ڕیکۆردی لە یاریگادا نەشکاند؛ بەڵکوو ژمارەیەکی پێوانەیی سەرنجڕاکێش و بێ وێنەی لە بواری خواردن لەنێو یاریگاکاندا تۆمارکرد.
بەپێی ئامارە بڵاوکراوەکان، هاندەرانی یاریگاکانی ئەم پاڵەوانێتییە بە گشتی نزیکەی 675 هەزار “هات داگ”یان خواردووە؛ ژمارەیەک کە نیشان دەدات کە یەکێک لە خواردنە بەناوبانگەکانی ئەمریکای باکوور بەشێکی دانەبڕاو بووە لە ئەزموونی سەیرکردنی ئەم مۆندیالەدا.
بە لەبەرچاوگرتنی ئەوەی کە مۆندیالی 2026 بۆ یەکەمجار بە 48 تیپ و بە گشتی 104 یارییەوە بەڕێوەچوو، تێکڕای بەکارهێنانی هات داگ لە هەر یارییەکدا گەیشتە نزیکەی 6 هەزار و 500 دانە؛ ژمارەیەک کە تەنانەت بۆ گەورەترین پاڵەوانێتی تۆپی پێی جیهانیش زۆر سەرنجڕاکێشە.
خۆراکی هات داگ لەم پاڵەوانێتییەدا بووە یەکێک لە هێما کولتوورییەکانی مۆندیال؛ چونکە بەشێکی زۆری یارییەکان لە ئەمریکا و کەنەدا و مەکسیک بەڕێوەچوو؛ ئەو وڵاتانەی کە تێدا، کەلتووری خواردنی سەر شەقامەکان و یاریگاکان شوێنێکی تایبەتی هەیە.
هاوشانی هات داگ، فرۆشتنی خواردنەوەکانیش سەرنجڕاکێش بوو؛ زیاتر لە ملیۆنێک بوتڵی ئاو و چەند ملیۆن خواردنەوە غازییەکان لە یاریگاکاندا فرۆشران.
No Comment! Be the first one.