چاویارنیوز _ پاریس سانجێرمان یەکەم یاری دۆستانەی پێش وەرزی بە سێ گۆڵ بەرامبەر بە گۆڵێک، بەرامبەر مایۆرکا دۆڕا؛ یارییەک کە لویس ئێنریکێ بە پێکهاتەیەکی گەنج و بەبێ بەشداری زۆرێک لە ئەستێرە سەرەکییەکانی تیپەکەی ئەنجامی دا.
شەوی چوارشەممە یاریی دۆستانەی پاریس سانجێرمان و مایۆرکا لە یاریگای سۆن مۆای مایۆرکا بەڕێوەچوو، نوێنەری ئیسپانیا توانی بە گۆڵەکانی زیتۆ لۆمبۆ لە خولەکی ٢١ و یان ڤێرجیل لە خولەکی ٤٠ و ئەنتۆنیۆ ڕایلۆ لە خولەکی ٥١ سەرکەوتن بەدەستبهێنێت بەرامبەر پاڵەوانی ئەوروپا. لویس ئێنریکی بەختی یاریکردنی لەم یارییەدا بە چەند یاریزانێکی لاوی بەخشی و بەهۆی نەبوونی بەشێکی بەرچاو لە یاریزانە سەرەکییەکان، پاریسییەکان نەیانتوانی ئاستی ئاسایی خۆیان پێشکەش بکەن و یەکەم یاری دۆستانەی پێش وەرزیان بە شکست کۆتایی پێهێنا.
لە درێژەی بەرنامەی ئامادەکارییەکانیدا، یانەی پاریس سانجێرمان لە یارییەکی تری دۆستانەدا ڕووبەڕووی مانچستەر یونایتد دەبێتەوە و دواتر لە 11ی ئاب لە یاریی جامی سوپەری ئەوروپا بەرامبەر ئەستۆن ڤێلا ڕیز دەکات.
No Comment! Be the first one.