چاویار _ چەند رۆژێكە مەسعود بارزانی سەرۆكی پارتی دیموكراتی كوردستان و مەسرور بارزانی سەرۆكی حكومەتی هەرێمی كوردستان لە دەرەوەی وڵاتن، ئەمەش وایکردووە حکومەت کۆنەبێتەوە.
زانیارییەکان باس لەوە دەکەن، مەسعود بارزانی سەرۆكی پارتی دیموكراتی كوردستان بەمەبەستی پشكنینی تەندروستی ماوەی چەند رۆژێكە لە نەمسایە و تا ئێستا نەگەڕایەوەتەوە، هاوکات مەسرور بارزانی سەرۆكی حكومەتی هەرێمی كوردستان ماوەی زیاتر لە (20) رۆژە بۆ پشوو لەگەڵ خێزانەكەی لە ئەمریكان.
بەپێی پێڕەوێک، ئەنجومەنی وەزیران هەموو ڕۆژێکی چوارشەممە كۆدەبێتەوە، بەڵام بەهۆی گەشتی سەرۆكی حكومەتەوە، ئەنجومەنی وەزیران چوار هەفتەیە كۆبوونەوەی نەكردووە، دواین كۆبوونەوە لە 30ی تەمووزی 2025 كردویەتی واتا نزیكەی مانگێكە حكومەتی هەرێمی كوردستان كۆنەبووەتەوە.
كۆنەبوونەوەی ئەنجومەنی وەزیران لەكاتێكدایە نزیك دەبینەوە لە مانگی ئەیلول، هێشتا موچەخۆران موچەی مانگی حوزەیرانیان وەرنەگرتووە، سەرەڕای پێكنەهێنانی حكومەت و پەرلەمان و ئەو گرژی و شەڕو ئاڵۆزیانەی لە هەرێم هەیە.
خەڵک مووچەی نییە و بارزانی لەگەشتە
زانیارییەکان باس لەوە دەکەن، مەسعود بارزانی سەرۆكی پارتی دیموكراتی كوردستان بەمەبەستی پشكنینی تەندروستی ماوەی چەند رۆژێكە لە نەمسایە.
No Comment! Be the first one.