چاویارنیوز _ پارێزگاری کەرکوک دڵنیایی دەداتە خوێندکارانی زانکۆی کەرکوک و رایدەگەیەنێت: لەمەودوا دەتوانن بەزمانی دڵخوازی خۆیان وەڵامی پرسیاری تاقیکردنەوەکان بدەنەوە.
دوای سەردانێکی رێبوار تەها پارێزگاری کەرکوک بۆلای دکتۆر نەعیم ئەلعەبودی وەزیری خوێندنی باڵا و توێژینەوەی زانستی فیدراڵ، داوایکرد رێگە بەخوێندکارانی زانکۆی کەرکوک بدرێت بەزمانی کوردی وەڵامی تاقیکردنەوەکان بدەنەوە، وەزیری خوێندنی باڵا وەڵامی داواکاری پارێزگاری کەرکوکی دایەوە و رازی بوو بە وەڵامدانەوەی تاقیکردنەوەکان بە زمانی کوردی.
هەر لەوبارەیەوە، دوێنێ رێبوار تەها جارێکی دیکە پەیوەندی بە وەزارەتی خوێندنی باڵاوە کردووە، بۆ تاوتوێکردنی هەمان بابەت و وەزیری خوێندنی باڵای فیدراڵی ئەوەی پشتڕاستکردووەتەوە، کە خوێندکارانی زانکۆی کەرکوک دەتوانن وەڵامی پرسیاری تاقیکردنەوەکان بدەنەوە بە زمانی دڵخوازی خۆیان.
لەوبارەیەشەوە، داوا لە سەرۆکی زانکۆی کەرکوک کراوە راگری کۆلێژەکان ئاگاداربکاتەوە ئامادەکاری تەواو بکەن و پرسیاری تاقیکردنەوەکان وەربگێڕن بۆ سەر زمانی کوردی و لەمەودوا رێگە بە خوێندکاران بدرێت بە زمانی دڵخوازی خۆیان وەڵام بدەنەوە.
ئەم بڕیارە دوای ئەوەدێت کە 16ی 7ی 2025 بهبڕیاری ژماره 6496ی وهزارهتی خوێندنی باڵای عیراق، زمانی كوردی له ناوهندهكانی خوێندنی باڵای ناوچه كوردییهكانی دهرهوهی ئیدارهی ههرێمی كوردستاندا قهدهغه كرد و ئهمهش ناڕەزایەتی زۆری لێكهوتەوە.
No Comment! Be the first one.