چاویارنیوز – بەهجەت ئەحمەد لەوتارێکدا کە ئەمەی خوارەوە دەقەکەیەتی دەنووسێت:
بافڵ تاڵەبانی پەروەردەی بنەماڵەیەکی کوردپەروەر و نیشتمانیە ھەر بۆیە ھەمیشە لەسەرەتای ژیانی سیاسیەوە کاریگەر بووە بە بنەماکانی کوردایەتی و ھەمیشە ئەولەویەتی کارەکانی پاراستنی بنەماکانی کوردایەتی بووە، بۆیە ئاراستەی کارکردنی پێچەوانەی ئەو رەوتە بوو کە ھەوڵی دەدا کوردبوون و کوردایەتی لەبەرچاوی نەوەی دوای راپەرین ناشرین و بێ نرخ بکات، بیرکردنەوەکانی نیشتمانیانە بووە، بۆیە لەبەر ئەم ھۆکارانە ھەوڵی لەناوبردنی فیزیکی دراوە:-
١- لە ساڵی ٢٠٢١ بریاری راستکردنەوەی رێرەوەی بەرێووبردنی دا لە ناو یەکێتی و توانی ئەو گریە شێرپەنجەی کە ئاڵا بوو بە گەردنی دامەزراوەکانی یەکێتی ببرێت و کۆتای بھێنیت بە بەکارھێنانی دامەزراوە ھەستیارەکانی یەکێتی دژی کادرەکانی یەکێتی، حزب بخاتەوە سەر رێرەوەی راستی سیاسەتکردن.
٢- لە ساڵی ٢٠٢٢ بە پارتی و ئاغاکانی ووت مەگەر بەسەر لاشەی من غازی کوردستان ھەناردەی دەرەوە بکەن و غاز بەدەردی نەوت بەرن و خەلکی کوردستان مەحروم بکەن لەو سامانەی کە خوای گەورە بەم میللەتەی بەخشیوە، ئەم کارە نەک تەنھا پارتی بەڵکو ئاغاکانیشی شۆک کرد، کە تا ئێستا کەسێکی وا بە جورئەت و کوردپەروەر ھەیە بەرگری لە قوتی خەلکی کوردستان بکات
٣- لە ساڵی ٢٠٢٤ بریاری راستکردنەوەی رێرەوەی حوکمرانی دا لە ھەرێمی کوردستان و بە جورئەت و ئاشکرا بە ھەموو خەلکی کوردستانی ووت ئیتر رێگە نادات پارتی یاری بە چارەنووسی خەلکی کوردستان و قوتی خەڵک بکات و نەوت ببێتە ئامرازی دەولەمەندکردنی چەند کەسێک و بنەمالەیەک، ھەر وەک چۆن پێشتر رۆژانە ٣٥٠ ھەزار بەرمیل نەوتی کەرکوک دەردەھێنرا و داھاتەکەی نەک بۆ خەلکی کوردستان و کەرکوک نەبوو بەڵکو لە نێوان چەند بنەمالەیەک دابەش کرا
٤- بافل تالەبانی بریاری داوە کە جارێکی تر نابێت حکومەتی ھەرێم وەک پێشتر ئامرازی بەھێزکردنی پارتی و چەوساندنەوەی خەلک بێت، سەرەرای بوونی نەوت و داھاتی ناوخۆ مووچەخۆر چاوەروانی رەحمەتی بغداد بکات سێ مانگ جارێ مووچەی پێ بدرێت، ئەوانیش بەردەوام دەولەمەنتر بن، و بەشێکی زۆری داھاتی نەوتیش بداتە وولاتانی دراوسی خەلکیش برسی تر بکرێت، ھەر بۆیە تا ئێستاش نەی ھێشتوە کابینەی دەیەم پێک بێت کە ئەمە پارتی سەخلەت کردوە، چونکە دەزانیت کە حکومەت جارێکی تر نابێتە دارشەقی دەستی
٥- تاکە کەس کە رێگر و بەرھەڵستی کاری سەرسەختە بۆ مانەوەی ئەم دۆخە لە بەرژەوەندی پارتی و ھاوپەیمانەکانی کاک بافل ە ، کە دەلێت دەبێت رێرەوەی حوکمرانی راست بکرێتەوە و نەوت بگەرێتەوە خزمەتی خەلکی کوردستان ، کە ئەمش واتا کۆتای ھاتن بە ھەژموونی پارتی لەسەر نەوتی ھەرێم
No Comment! Be the first one.