چاویارنیوز – بافڵ جەلال تالەبانی سەرۆکی یەکێتی نیشتیمانی کورستان زیاتر لە جارێک گوتیتی؛ دڵنیابن ناهێلم غازەکەش وەک نەوتەکە لێبکەن، ئەو قسەیە رەنگە بۆ کۆمەلێک خەڵک ئاسایی بێت، بەڵام ئەوانەی وردتر سەیری دۆخەکە دەکەن دەزانن مانای ئەو قسەیە چیە، ئاخر ئەگەر غازەکەش وەک؛ نەوتەکە لێبکەن ئیتر ژیانی خەڵک بە تەواوی وێران دەبێت، لە هەموو دونیا کاتێک نەوت دەفرۆشرێت وڵات بەرەو خۆش گوزەرانی دەچێت، تەنیا لە کوردستان نەبێت 10 ساڵ نەوت فرۆشراوە و خەڵک 60 مووچەی دزراوە و حکومەت دەڵیت؛ زیاتر لە 30 ملیار دۆلار قەرزدارین، دەی ئاخر ئەگەر 10 ساڵی داهاتووش غازەکە بە دەردی نەوتەکە بچێت ئیتر دەبێت ماڵ و موڵکمان بدەینەوە قەرزی حکومەتی کوردی.
میدیایی پارتی بۆ وا مشەوەشە.؟
پەندێکی کوردی جوان هەیە دەڵێت؛ دار هەڵبڕە سەگی دز دیارە، کەس باسی ئەوەی نەکردەوە رەنگە دەستی سوڵتانەکەی پارتی تێدابێت، ئەوەی کۆڕمۆری بەر موشەک و دڕۆن داوە خۆیانن، وا گریمان سوڵتانتان لە پشت ئەو کارەیە، ئێوە بیرناکەنەوە ئێمە لە سەردەمێک دەژین تەکنەلۆژیا ئەوەندە بەهێزە ونکردنی راستی یەکێکە لە مەحالەکان؟ هەر بەراستی پارتی دیموکراتی کورستان ئاگادار جیهان لە ساڵی 2025 دەژی؟ یان پێیان وایە ئیتر خەڵک هەموو بە چەقە چەقی کەنالی کۆنە “گوڵان” بڕوا دەکات.؟
دوبارە دڵنیابن غازەکە بە دەردی نەوتەکە ناچێت.
کورد تا 100 ساڵیتر نەوت بفرۆشێت بە قەد زاواکەی ئوردوگان سوودمەند نابێت، بەڵام ئەگەر بێەوێت غازەکەش بە دەردی نەوتەکەکە ببات ئەوە وەک؛ ئەو قسەیە کە دەڵیت؛ بە بۆنی کەباب خواردن چوون نەیانزانی کەر داخکردنە، دوو ساڵ بەر لە ئێستا ئوردوگان گوتی؛ لە ماوەیەکی کورتدا، هەموو ماڵیکی تورک بۆڕی غازی بۆ دەچێت و غاز دەبێتە گەرمکەرەوەی هەموو ماڵێک، هەولێری گوتەنی؛ تومەزە برادەرانی نەوت فرۆش وەعدی غازیان بە سوڵتان دابوو، بێ ئاگاش لەوە پرسی غاز بووە بە پرسێکی نێودەولەتی، وا ئەوەی ئەو هێرشەی سەر کۆڕمۆرشی ئەنجامداوە دڵنیانەبوو دۆخەکە بەو شێوەیە گەورە دەبێت دەنا هەلەی وای گەورەی نەدەکرد، وا بەیاننامەیەکی سەرۆکی یەکێتی دوبارە دڵنیایی کردنەوە کە غازەکە وەک؛- نەوتەکە نابێت و دەبێت غازەکەی کۆڕمۆر هەموو خەڵکی کوردستان سوودی لێ ببینێت، نەک چەند کەسێک و بنەمالەیەک بکات بە ملیارنێر و خەڵک نانی نەبێت بیخوات.
No Comment! Be the first one.