چاویارنیوز _ هاژە باست حەمەغەریب ڕۆژنامەنووس وتی: لە دوو هەزار و ٤۰۰ کۆمێنت، کەمترین کۆمێنت کە لە ۱۰۰ دانە تێنەدەپەڕی دژی ڕێبوار تەها پارێزگاری کەرکوک و سەرۆکی لیستی ۲۲۲ی یەکێتیی نیشتمانیی کوردستان لەسەر بازنەی کەرکوک بن، هەمووی پیاهەڵدان و دڵنیایدان بوو بۆ سەرکەوتنی. ئەوەش هەر گومانێکی لا دروست کردم، وایکرد بەدوای ئەو پەیجەدا بچم، کە بزانم لە پەیجە سێبەرەکانی یەکێتی نییە، لە وەڵامدا نەخێر ئەویش بەڕاستی هی هەواڵە عەرەبییەکان بوو، غەیرە یەکێتیش بوو. لام جوان و جێی سەرنج بوو، کاک ڕێبوار تەها بەو ماوە کەمەی بەدەستهێنانی پۆستەکەی، هێندە لایەنگری راستەقینەی لەناو خەڵکی هەژار و ئاسایی بۆخۆی کۆکردبێتەوە، هەم جێی دەستخۆشییە، هەم شایەنی پیاهەڵدانە.
باس لەوەشدەکات، لێرەدا یەکێتیش سوپاسێکی دەوێت بۆ هەڵبژاردنی ئەم پیاوە، لەگەڵ ئەوەش ئەکرێت هیواخوازبین هەموو ئەو کاندیدانەی تریش مرۆڤی ئاوا بەهەڵوێست و ماندونەناس و چاونەترس بن.ئەوەی کە زۆرتر جێی شانازییە بەم پیاوەوە، ئەو بودجەیەی بەراورد بە پارێزگارەکانی پێش خۆی بۆ ئێستای پارێزگای کەرکوک تەرخانکراوە، بۆ خزمەتگوزاری و بەرەوپێشبردنی پارێزگاکە، زۆر کەمترە و پرۆژە و جوانکاری و پاکڕاگرتن و گەیاندنی خزمەتگوزاریەکان بێ جیاوازی رەنگ و دەنگ و پێکهاتە زۆر زیاترن.هەموو ئەم کارانەی ڕێبوار تەها، یەکەم بونی نیشان دەدات چ وەک شەخس و چ وەک حزبیش لە کەرکوکی قودسی کوردستان و شارە خۆشویستەکەی مامی گەورە.
کێ براوەی کەرکوکە؟
ڕۆژنامەنووسێک دەنووسێت: لە پەیجێکی عەرەبی بە گرافیکێک پۆستێک کرابوو، کە سەرۆک لیستی حزبەکانی بەشداری هەڵبژاردنی ئەنجومەنی نوێنەرانی عیراقی تێدابوو، لەسەر بازنەی کەرکوک، بە کورد و عەرەب و سەرجەم پێکهاتەکانەوە.هەر وەک فزوڵی، سەیرێکی کۆمێنتەکانم کرد، چونکە ئەوەی دیم سەرنجی راکێشام، هانیدام زۆرینەی کۆمێنتەکان بخوێنمەوە و بەدوای پرۆفایلی بەتایبەت خوشک و برا عەرەبەکاندا بچم، تا دڵنیابم ڕاستەقینەن.
No Comment! Be the first one.