چاویارنیوز ـــ فیستیڤاڵی فیلمی “لۆکارنۆ”ی 2025 ناوبژیوانانی بەشی سەرەکی و بەشەکانی تری فێستیڤاڵەکەی ناساند.
ئەندامانی لێژنەی ناوبژیوانی حەفتا و هەشتەمین خولی فیستیڤاڵی فیلمی لۆکارنۆ ڕاگەیەندران. هەرچەندە “ریتی پان”، دەرهێنەری خەڵکی کامبۆج، پێشتر وەک سەرۆکی لیژنەی ناوبژیوانان ناسێنرابوو، بەڵام ئێستا ئەندامانی لێژنەی ناوبژیوانان ئاشکرا کراون. “کارلۆس ڕیگاداس” دەرهێنەر و نووسەر و بەرهەمهێنەری مەکسیکی و “جۆسلین بارنز” هاونووسەر و بەرهەمهێنەری فیلمی “Nickel Boys” و ئەکتەری سویسری “ئورسینا لاردی و ئەکتەری هۆڵەندی “ڕێنێ ساوتێندیک” وەک ئەندامانی دەستەی ناوبژیوانان دەستنیشان کراون.
لە هەمان کاتدا، ئەرکی هەڵبژاردنی باشترین دەرهێنەرە دەرکەوتووەکان کە یەکەم یان دووەم فیلمی درێژیان نیشان دەدەن بە لیژنەی ناوبژیوانان سپێردراوە کە بریتین لە ئەکتەری ئیندۆنیزیایی “ئێسمێرالدا ئەبیگەیل” و “لا فرانسیس هوی” لێپرسراوی فیلم لە مۆزەخانەی هونەری هاوچەرخ و یەکێک لە دوو هاوسەرۆکی فێستیڤاڵی دەرهێنەرە نوێکان و فیلمی نوێ و هەروەها ئەکتەری هیندی “کانی کوسرۆتی”.
“جیونا نازارۆ” بەڕێوەبەری هونەری فیستیڤاڵی فیلمی “لۆکارنۆ” سوپاسگوزاری خۆی بۆ هونەرمەندە بانگهێشتکراوەکان دەرببڕیت و گوتی ” ئێمە دەمانویست لیژنەیەکی ناوبژیوانمان هەبێت کە خۆشی دۆزینەوەی فیلمسازانی دامەزرێنەر و تازەمان لەگەڵ هاوبەش بکات و تێڕوانینیان هەم سەیر و هەم بەخشندەیە.” ڤیستیڤاڵی لۆکارنۆ لە 6 بۆ 16ی ئابی 2025(5 تا 15ی گەلاوێژ) بەڕێوە دەچێت.
No Comment! Be the first one.