ئێمە وەک سەرۆکی حکومەت ناژین

چاویارنیوز – مامۆستایەکی زانکۆ ڕایدەگەیەنێت: لە هەرێم، شۆڕشگێڕە ساختەکان، هیچیان بۆ گەلەکەیان نەکرد، کەچی هەموو شتێکیان برد. خاکی ئێمە و کانزاکان و سروشتەکەی، دەیتوانی بەبێ جیاوازی، تێر سکمان بکات، بەڵام بەرپرسەکان، تا ئێستاش لێیدەخۆن و هەرگیز تێرناخۆن. ئەوان دڵخۆش نین، چونکە چەتەکان ناتوانن خەڵک دڵخۆشبکەن.
ئەحمەد میرە نووسەر و مامۆستای زانکۆ وتی: هەرێم بۆ پرسی مووچە، هیچ پلانێکی نییە و تەنها خەریکی لێدوان و داڕشتنی بێناوەڕۆک و خۆگیڤکردنەوەیە. تا ئێستایش نازانێت گەدەی هەژاران بە قسەی زل و بێناوەڕۆک، تێرنابێت.
ڕاشیگەیاندووە، درۆی ژیان و مردنی وەکیەکی و هاوبەش، کۆتاییهاتووە، ئەوان لە باخەکانی بەهەشتدا، نانی شاهانە دەخۆن و بۆ نیشتیمان ماندوونابن، بەڵام هەژاران، نانی جۆ بە خوێن و ئارەقەی زۆر، بەدەستدەهێنن و بۆ نیشتمان زۆر ماندوودەبن.
دەڵێت “سەرۆکی حکومەت، نە وەک تۆ دەژین و نە لە تۆیش دەچین و نە چارەنوسمان وەکیەکە، ئێمە سەرۆکێکی سواڵکەرمان دەوێت بۆ گەلێکی شکۆمەند نەک فیرعەونێک بۆ گەلێکی هەژار. پەتی برسێتی، زۆر ئەستوور بووە، وەک ملی زاڵمەکانی وڵات، بۆیە پسانی زۆر نزیک

ئەحمەد میرە