دانپێدانانی گروپەکەی لالەزار بڵاوکرایەوە

چاویارنیوز _ پیلانی گروپەکەی لالەزار بەجۆرێک بووە، لە یەک کاتدا بە دوو قەناسی نیشانشکێن و چەند درۆنێکی خۆکوژ، بافڵ تاڵەبانی سەرۆکی یەکێتی تیرۆربکەن قوباد تاڵەبانی دەستگیربکەن.
بەپێی دانپێدانانی چەکدارەکان، کە “چەکدارانی لاهور شێخ جەنگی و ئەژی ئەمین” بڵاوکرایەوە و لەلایەن دەزگای ئاسایشی هەرێمی کوردستانیشەوە رایگەیاند، بەپێی بەڵگە ڕوون و ئاشکراکان، هەریەکێک لە یەرۆکی بەرەی گەل لاهوور شێخ جەنگی و ئەژی ئەمین کە لەلایەن دادگاوە داواکراوەو هەڵهاتووە بۆ هەولێر، پێکەوە پلانیان بۆ کوشتنی بافڵ تاڵەبانی سەرۆکی یەکێتی داناوە.
تەواوی زانیارییەکان و دەزگای ئاسایشی هەرێمی کوردستان، کە پشتیبەستووە بە بەڵگەی ورد و گرنگ، دانپێدانانی پیلانی تیرۆرکردنی بافڵ جەلال تاڵەبانی و چەندین کەسایەتی تری سیاسی و ئەمنی لە لایەن تۆمەتباران گروپی لالەزار لاهوور جەنگی بورهان و ئەژی ئەمینەوە بڵاو کردەوە و تۆمەتباری سەرەکی ئەو سیناریۆیەن. سێ لەو چەکدارانەش راستەوخۆ کاریان بۆ لاهوور شێخ جەنگی کردووە و سێ دانەی دیکەیان لەژێر فەرمانی ئەژی ئەمین، بوون. چەکدارەکانیش یەکێک بە ناوی (ر.ز.ف) دەڵێت: من لە ساڵی 2014ـەوە دەوامم لەلای لاهور شێخ جەنگی بووە. یەکێکیتر دەڵێت: من ناوم (ر.ق.ر) ماڵم لە چوارقوڕنەیە و خەڵکی کۆیەم، مامۆستا و راهێنەری چەک بووم. سێیەم کەس بەناوی (ع.ع.م) لە دایکبووی 1985ـە و لە 2016ـەوە بە وتەی خۆی بووەتە پاسەوانی لاهوور شێخ جەنگی. چوارەم دانەیان دەڵێت: من ناوم (ب.م.ح) لە دایکبووی 10ی 6ی 2002ـە و لە 19ـی 1ـەوە چوومەتە ئەنجوومەنی ئاسایش و دواتر ئێمەیان بردە لای ئەژی ئەمین. پێنجەم کەس ناوی (ح.ر.م) و دانیشتووی کەلاوە و ناسراوە بە (ئەبوو عەلی) و دەڵێت “مانگی 11ـی 2024 پەیوەندیم بە هێزەکانی ئەنجوومەنی ئاسایش کرد و لای هێزەکەی ئەژی ئەمین لە هەورازە نەفتە دامەزرام.شەشەم کەس بە ناوی (م.ع.م.ف) لە دایکبووی ساڵی 2000ـە و دوو ساڵە کار لەگەڵ ئەژی ئەمین دەکات و لە ئەنجوومەنی ئاسایش دامەزراوە.
وەک لە ڤیدیۆکاندا دەرکەوتووە، یەکێک لە چەکدارەکان دانبەوەدادەنێت: بۆ ماوەی 45 رۆژ دەبێت پلان دانراوە بۆ لێدان لە دەباشان و چەند شوێنێکی ئەمنی سلێمانی و کاک بافڵ، هەروەها دەستپێکی پلانەکە سێ شوێنمان وەرگرت کە لاهور شێخ جەنگی کلیلەکانی پێدام و هی چەند کەسێکی خۆی بوو. یەکەمیان سیتی تاوەرز بوو، دووەم شوێن هەواری جوان بوو لە رێگەی کاک ئاسۆی برایەوە دابینکرابوو، سێیەم شوێنیش گوندی ئەڵمانی بوو.
باس لەوەدەکات، کامێرای تایبەتیان لەلایەن ئەژی ئەمین بۆ هاتووە بۆ چاودێریکردن جمووجۆڵی دەباشان و بافڵ تاڵەبانی و هەموو هاتن و چوونێکی.
وتیشی: دووری نێوان جێگەکەیان و دەباشان و ماڵی بافڵ تاڵەبانی پێوانەکراوە بە مەتر و دوورییان 600-700 مەتر بووە.
بەپێی لێدوانەکە، کۆبوونەوەیان لەگەڵ ئەژی ئەمین و پۆڵاد جەنگی و رێبواری حامی حاجی غالی لەناو لالەزار کردووە و بڕیاریانداوە کە بافڵ تاڵەبانی بە دوو قەناس لەیەک کاتدا تەقەی لێ بکرێت، من و رێبوار قەناسبەدەستەکان بووین. بڕیاریش درا بافڵ تاڵەبانی هەم بە قەناس و هەم بە درۆنی خۆکوژی بکرێتە ئامانج و بکوژرێت.
وەک لە ڤیدیۆکاندا دەرکەوتووە، راهێنانی تایبەتی لەسەر چەک و شێوازی هەڵدانی درۆنی خۆکوژی لە ئۆکرانیا وەرگرتووە؛ دواتر ئەژی ئەمین کارگەیەکی درۆنی لە هەورازە نەفتە دروست کردووە.