چاویارنیوز _ ئەحمەد میرە ڕۆژنامەنووس و مامۆستای زانکۆ لە وتارێکدا کە ئەمەی خوارەوە دەقەکەیەتی دەنووسێت:
ئەگەر باجی هەڕەشە کردنێکی وەهمی ٥٤ مانگ زیندانیکردن بێت، دەبێت سزای تیرۆرکردنی سەدان کەس و چەندین ڕۆژنامەنووس چە ند بێت ؟!
دەبێت سزای دزین و تاڵانی و شەڕی ناوخۆ و سیویەکی ئاب و شەنگال و برسیکردن و گەندەڵی و سیخوریکردن و بانگهێشتنکردنی سوپای بێگانە بۆ سەر خاکی وڵات چەند بێت؟
حیزبێک هیچ شتێک بە جوانییەکانی وڵات و ئازادیی وتن و سیستەمی حوکمڕانی ڕاستەقینە نایبەستێتەوە و کەچی بڕیاری زیندانیکردنی شیروان ساڵ دوای ساڵ زیاد دەکات.
حیزبێک تەنها بۆ دزین لەم وڵاتە بێت و بۆ خۆشییەکانی لە جێگەی تر بێت ،شایانی ڕێزگرتن نییە و پێویستە زۆر بە توندی و ڕوونی تیری توند و ڕقی نیشتیمان لە دڵی بدرێت !
حیزبێک هیچ ڕێگەیەک نەیباتەوە ناو ماڵی نیشتیمان تەنها بۆ لێدان و لۆمەکردن گونجاوە.
نازانم بۆ پارتی لە کوردبوون و ئازادیی مرۆڤ و شکۆمەندیی تێناگات؟
بۆ نازانێت زیندانیکردنی شیروان چەندە بە بەهێزی بزمار لە تابوتی نادیموکراسیی پارتی دەدات و زۆرتر ڕەشتری دەکات
No Comment! Be the first one.