چاویارنیوز ـــ مەزادی کریستیز لە لەندەن دابەزینی فرۆشی بەرهەمەکانی هونەرمەندانی ڕۆژهەڵاتی ناوەڕاستی شکاند. دیارترین بەرهەمی ئەم مەزادکردنە “شیعر”ی (1966-1968) بوو لەلایەن “سەلوا رەعودە شوکەیر هونەرمەندی مۆدێرنی لوبنانی کە بە بەهای 393,700 پاوەند (500,000 دۆلار) فرۆشرا.
بەگوێرەی هەواڵی Artnews، خانەی مەزادی کریستیز لە لەندەن سەرکەوتوو بووە لە فرۆشتنی هونەری مودێڕن و هاوچەرخی ڕۆژهەڵاتی ناوەڕاستدا بە بڕی 5.2ملێۆن دۆلار، لە 6 ی تشرینی دووەمدا.
ئەم مەزادە بە ڕێژەی فرۆشتنی 93٪ بەپێی بەها و 85٪ بەپێی هەژماری بەرهەم، بە یەکێک لە سەرکەوتووترین مەزادەکانی ناوچەکەدا دادەنرێت لەم ساڵانەی دواییدا. هەروەها ئامارەکان دەریدەخەن کە حەزی نەوەی گەنج بۆ هونەری مودێڕن لە زیادبووندایە، چونکە لە سەدا 38ی بەشداربووان بۆ یەکەم جار ئامادەی مەزادی کریستیز بوون و لە سەدا 21 یان لە هونەرمەندانی تازە پێگەیشتوو پێکهاتوون.
لە کۆی 39 بەرهەمی پێشکەشکراو، 21 بەرهەم لە کۆمەڵەی دامەزراوەی هونەری داڵول (DAF) هەڵبژێردران. ئەم بەرهەمانە تەنیا بەشێکی بچووکن لەو کۆمەڵە بەرفراوانە کە “ڕەمزی دالول” و “سەعیدە ئەلحوسێنی دالول” لە ماوەی زیاتر لە 55 ساڵدا کۆیان کردۆتەوە؛ کۆمەڵەیەک نزیکەی 3 هەزار بەرهەم، کە ئێستا بە یەکێک لە گشتگیرترین و گرنگترین کۆمەڵە هونەری مۆدێرن و هاوچەرخی عەرەبی لە جیهاندا دادەنرێت.
No Comment! Be the first one.