چاویارنیوز ـــ بە پشتبەستن بە ئامارەکان زنجیرە ئێرانی سێتایش لە وڵاتی عێراق و بە تایبەت لە هەرێمی کوردستاندا بینەری زۆە و زۆریش بەناوبانگە.
خانمە ئەکتەر نێرگز موحەمەدی ئەکتەری سەرەکی زنجیرەی ستایش لە گفتوگۆیەکدا سەبارەت بە زنجیرەی سێتایش ڕایگەیاند: “دوو هەفتە لەمەوبەر، ئێمە لە سلێمانی بووین – شارێکە لە هەرێمی کوردستانی عێراق، خەڵکەکە زۆر میهرەبانن و ئەم زنجیرەیەیان خۆشدەوێت، ئەوەی جێگای سەرنجە، کتێبێکیان لە عێراق بە ناوی “قسەکانی حشمەت فێردۆس” بڵاوکردەوە، کە تێیدا سەرجەم دیالۆگەکانی ئەو ئەکتەرە نووسراون، و خەڵکیش هەن کە هەم ئەیکڕین و هەمیش دەیخوێننەوە.”
لە هەرێمی کوردستانی عێراقدا زیاتر لە 100 کەناڵی ئاسمانی و ناوخۆیی هەن کە هەموو جۆرە فیلم و زنجیرەیەک پیشان دەدەن و زنجیرە ئێرانییەکانیش لایەنێکی زۆر فراوان لە کۆمەڵگای کوردەواری بۆ خۆیان ڕادەکێشن و خەڵکی سەرنجی زۆری دەدن.
ئەم سەرنجە ئەوەندە زۆرە کە چەند هەفتەیەک لەمەوبەر کاتێک نەرگس محەمەدی لە فێستیڤاڵی نێودەوڵەتی فیلمی سلێمانی دەرکەوت، لەناو خەڵکی هەرێمی کوردستاندا ناسراو بوو، هەر لەبەر ئەم هۆکارەش وەک کەسایەتییەکی ناسراو و زۆر بەناوبانگ پێشوازی لێدەکرا و بۆ هەر شوێنێک کەدەچوو، شەپۆلێک لە هەوادارانی دەیانویست وێنەیەکی یادگارییان هەبێت لەگەڵ ئەو سێتایشە بەناوبانگەدا.
لە ساڵانی دوای شەڕی عێراق، پیشەی تەلەفزیۆن و سینەمای ئەو وڵاتە زۆر ئاوەدان نەبوو و زۆربەی بەرهەمەکانیش یان سیاسین یان کۆمیدیای سووکن. لەبەرامبەردا زنجیرە ئێرانییەکان درامای بنەماڵەیی و چیرۆکی ئەخلاقی لەخۆدەگرن کە بۆشایی ئەو جۆرە گێڕانەوەیە لە تەلەفزیۆنی عێراقیدا پڕ دەکەنەوە و سەرنجی خەڵکی ڕادەکێشن کە زنجیرەی سێتایش یەکێک لەوانەیە.
No Comment! Be the first one.