“جولیان مەکمان” لە تەمەنی 56 ساڵیدا کۆچی دوایی کرد

چاویارنیوز ـــ “جولیان مەکمان” ئەکتەری بەناوبانگی ئوسترالیایی و کەسایەتی خۆشەویستی زنجیرەکانی وەک “Charmed” و “Nip/Tuck” لە تەمەنی 56 ساڵیدا بەهۆی شێرپەنجەوە کۆچی دوایی کرد.

“کل پانیاگوا”، هاوسەری “مەکمان” لە بەیاننامەیەکدا هەواڵی کۆچی دوایی هاوسەرەکەی پشتڕاستکردەوە و گوتی مێردەکەی دوای ماوەیەک شەڕکردن لەگەڵ نەخۆشیدا بە ئارامی کۆچی دوایی کرد.

ماکمان کە کوڕی سەرۆک وەزیرانی پێشووی ئوسترالیایە ویلیام ماکمانە، سەرەتا کاری پیشەیی خۆی بە مۆدێل دەستپێکرد، دواتر بە دەرکەوتنی لە زنجیرەی “دوور لە ماڵ” ناوبانگی پەیدا کرد. ئەو زیاتر بە ڕۆڵە خراپە دڵڕفێنەکانی ناسراوە.
ماکمان ناوبانگی جیهانی بەدەستهێنا بە ڕۆڵگێڕانی “کۆڵ تێرنەر” لە زنجیرەی Charmed و دکتۆر “کریستیان ترۆی” لە Nip/Tuck و پاڵێورا بۆ خەڵاتی گۆڵدن گڵۆب. هەروەها ڕۆڵی دووەمی دکتۆری لە فیلمی “Fantastic Four” گێڕا. ماکمان دوایین جار لە فیستیڤاڵی فیلمی کان 2024 بۆ فیلمی “Wave Rider” لەبەردەم میدیاکان دەرکەوت. هەواڵی نەخۆشییەکەی پێشتر قەت بڵاو نەکرابووەوە.