لیلو و ستیتچ”Lilo and Stitch” ڕیکۆردی لە بۆکس ئۆفیسی جیهانی شکاند

چاویارنیوز ــــ لیلو و ستیتچ “Lilo and Stitch” بوو بە یەکەم فیلمی هۆلیوود کە لە ساڵی 2025 دا یەک ملیار دۆلار فرۆشی بەدەست هێنا.

دووبارە بەرهەمهێنانەوەی ڕاستەوخۆی ئەنیمەیشنی دیزنی “Lilo and Stitch” یەکەم فیلمی هۆلیوودی ئەمساڵە کە داهاتی بۆکس ئۆفیس لە جیهاندا بۆ یەک ملیار دۆلار تێپەڕێنێت. ئەم کۆمیدیا خێزانییە کە لە 8 هەفتەی ڕابردوودا لە سینەماکان نمایشکراوە، توانیویەتی 416.1 ملیۆن دۆلار لە سینەماکانی ئەمریکای باکوور و 584.8 ملیۆن دۆلار لە ئاستی جیهانیدا بەدەست بهێنێت، بەمەش کۆی گشتی داهاتی جیهانیی گەیشتە 1.001 ملیار دۆلار. لەگەڵ ئەوەشدا، فیلمی چینی “نژا 2” بە جیاوازییەکی زۆر هێشتا پڕداهاتترین فیلمی 2025 بە فرۆشی 1 ملیار و 899 ملیۆن دۆلار بووە.

فیلمی “Lilo and Stitch” کە سەرەتا بڕیار بوو ڕاستەوخۆ بۆ پەخشی ئۆنلاین بڵاو بکرێتەوە، نموونەیەکی فرۆشتنی گونجاوە کە سەرکەوتنی دیزنی نیشان دەدات لە بەدەستهێنانی داهات لە هەمان کاتدا لە سینەما و پەخشی ئۆنلایندا.
“موانا 2” کە زنجیرەیەکی دیزنی پڵەس بوو، کاتێک وەک پاشکۆی ئەنیمەیشنەکە لەسەر شاشەی گەورە بڵاو کرایەوە، ساڵی پار سەرکەوتنێکی گەورەی بەدەستهێنا لە بۆکس ئۆفیسدا لە جەژنی سوپاسگوزاریدا. بەم شێوەیە، تەنها لە 13 مانگی ڕابردوودا، والت دیزنی تەنیا 4 فیلمی چەن ملیار دۆلاری هەبووە کە بریتین لە فیلمی “Deadpool and Wolverine” ی مارڤل و “Inside Out 2” ی پیکسار.

“لیلو و ستیتچ” ڕیکۆردێکی سەیری تۆمارکرد بۆ گەورەترین کردنەوەی کۆتایی هەفتەی ڕۆژی یادەوەری لە مێژوودا، کە 183 ملیۆن دۆلاری لە ئەمریکا و 341 ملیۆن دۆلاری لە سەرانسەری جیهان بەدەستهێنا لە چوار ڕۆژی یەکەمی نمایشیدا لە کۆتایی مانگی ئایار (سەرەتای حوزەیران). فیلمەکە بۆ سێ کۆتایی هەفتەی یەک لەدوای یەک پلەی یەکەمی بۆکس ئۆفیس هێشتەوە و چووە پاڵ “A Minecraft Movie” (فیلمێکی وەرگیراو لە یارییەکی ڤیدیۆیی بە هەمان ناو) و ئەمساڵ 400 ملیۆن دۆلاری تێپەڕاند.

زۆرترین داهاتی بازاڕی نێودەوڵەتی بۆ “Lilo & Stitch” تا ئێستا بریتین لە مەکسیک (67 ملیۆن دۆلار)، بەریتانیا (49 ملیۆن دۆلار) و فەڕەنسا (42.5 ملیۆن دۆلار). هەرچەندە ئەنیمەیشنی “Lilo & Stitch” لە ساڵی 2002 بڵاو کرایەوە، بەڵام ئەم کەسایەتییە هەرگیز ناوبانگی خۆی لە ڕەفەی فرۆشگاکانی یاری لەدەست نەدا.

فیلمی “Lilo & Stitch” لە دەرهێنانی “دین فلیشەر کامپ” و بەرهەمهێنانی “رایدباک”، چیرۆکی بوونەوەرێکی ئاسمانی شینی خۆشەویست دەگێڕێتەوە کە لە هاوایی دەنیشێتەوە و لەلایەن کچێکی گەنج و خوشکە گەورەکەیەوە بەخێو دەکرێت. دیزنی پێشتر ڕایگەیاندبوو کە پاشکۆیەکی ڕاستەوخۆی ئەم فیلمە لە کاردایە.