چاویارنیوز ـــ “کوبرا ئەمین سەعیدی” بەنازناوی هونەری شەهرزاد ٢٧ی گەلاوێژ (١٨ی ئابی ٢٠٢٥) لە تەمەنی ٧٥ساڵیدا کۆچی دوایی کرد.
کۆبرا ئەمین سەعیدی لەدایکبووی ١٨ی سەرماوەزی ١٣٢٩ی هەتاوی( ٨ی کانوونی دووەمی ١٩٥٠) لە شاری تاران بوو، ئەکتەر، شاعیر، نووسەر و یەکێک بوو لە یەکەم ژنە سینەماکارەکانی سینەمای ئێران.
پەیجی ئینستاگرامی کۆبرا ئەمین سەعیدی ئەو هەواڵەی ڕاگەیاند و نووسی: بەداخەوە شەهرزادی سینەمای ئێران (کوبرا سەعیدی) چەند کاتژمێرێک لەمەوبەر پاش مامەیەکی زۆر ململانێ لەگەڵ نەخۆشی کۆچی دوایی کرد.
ناوبراو بە ڕۆڵگێڕی لە فیلمی “قەیسەر” هاتە ناو سینەمای ئێران و یەکێک بوو لە یەکەم ژنە سینەماکارەکانی سینەمای ئێران.
شەهرزاد یەکێک بوو لە یەکەم ژنە سینەماکارەکانی ئێران و هەروەها شاعیرێک بوو کە چەند کۆمەڵە شیعرێکی بەرچاوی پێش شۆڕشی ساڵی ١٩٧٨ بڵاوکراونەتەوە. شەهرزاد لە ساڵی ١٩٧٧ فیلمی درێژی “مریەم و مانی” بە ڕۆڵی سەرەکی و سەرمایەگوزاری “پوری بەنایی” دروست کرد. ئەم فیلمە یەکێکە لەو فیلمە دەگمەنانەی پێش شۆڕشی ئێران کە پاڵەوانی چیرۆکەکە و نووسەر و دەرهێنەرەکەی خانمە،
بەڵام ناوبراو دوای شۆڕش، ڕووبەڕووی سەختی و شێوازێکی ژیانی ناوازە بووەوە کە زیاتر لە چیرۆکەکاندا دەبینرا. فیلمی “شەهرزاد” چیرۆکی ژیانی خۆیەتی بە زمانی خۆی. ئەم فیلمە دیکۆمێنتارە لەلایەن “مێهران زینەت بەخش” دروستکراوە.
No Comment! Be the first one.