چاویارنیوز ـــ وەشانی نۆژەنکراوی فیلمی “باشۆ، نامۆی بچووک” لە نووسینی بەهرام بەیزایی، خەڵاتی باشترین فیلمی لە بەشی کلاسیکی ٨٢هەمین فێستیڤاڵی فیلمی ڤێنیز بەدەستهێنا.
بەشی کلاسیکی فیلمی ئەمساڵ لە فێستیڤاڵی ڤێنیزدا یەکەم نمایشی جیهانی وەشانی نۆژەنکراوی ١٨ شاکاری سینەمایی لە وڵاتانی جیاوازەوە نمایش کرد، کە لە ماوەی ساڵی ڕابردوودا لەلایەن ئەرشیف و دامەزراوە کولتوورییەکان و کۆمپانیاکانی بەرهەمهێنانی فیلمەوە نۆژەنکراونەتەوە.
فیلمی “باشۆ، نامۆی بچووک”ی بەهرام بەیزایی لە ساڵی ١٩٨٦ لەلایەن ستۆدیۆی ڕۆشانا بە پاڵپشتی سەنتەری گەشەپێدانی هزری منداڵان و هەرزەکاران نۆژەنکرایەوە و لە فێستیڤاڵی فیلمی ڤێنیز لەلایەن کۆمپانیای “mk2 Films”ی فەرەنسی پێشکەشکرا.
“باشۆ، نامۆی بچووک” یەکێک لە بەرهەمە هەرە درێژخایەن و گرنگەکانی سینەمای ئێرانە، لە دەرهێنانی بەهرام بەیزەیی.
چیرۆکەکە باس لە کوڕێکی خەڵکی باشووری ئێران دەکات بە ناوی باشۆ کە لە کاتی شەڕی ئێران و عێراقدا خێزانەکەی لەدەست دەدات. بەهۆی بۆردومان و نائەمنیەوە سواری بارهەڵگرێک دەبێت و لە باکوری ئێران خۆی دەدۆزێتەو لە گوندێکی گەشاوەی شاری گیلاندا، خانمە جووتیارێک بە ناوی نایی (سووسەن تەسلیمی ڕۆڵی تێدا دەگێڕێت) دەیدۆزێتەوە و دەیبات بۆ ماڵەکەی خۆی.
No Comment! Be the first one.