چاویارنیوز _ لە دیدارێکی تەلەفیزیۆنیدا، محەمەد شیاع سودانی سەرۆک وەزیرانی عێراق تیشکی خستەسەر بابەتی هەندێک بابەتی ئابووریی و دارایی عێراق و دەڵێت: ئێستا عێراق خاوەنی 108 ملیاردۆلار یەدەگە، هەروەها یەدەگی زێڕیش گەیشتووەتە 172 تۆن، بەڵام کۆی قەرزی دەرەکی 10 ملیارو 56 ملیۆن دۆلارە، هیچ وڵاتێکیش نییە لە جیهاندا قەرزی دەرەکی نەبێت.
باسی لەوەشکرد، بودجەی سێ ساڵە هاوکارییەکی باشی عێراقی کردووە وەک بابەتی خەرجیی گشتی و گەرەنتیکردنی پارەدارکردنی پرۆژەکانی حکومەت و بەدیهێنانی سەقامگیریی گشتی. وتیشی: بۆ تەواوکردنی بودجەی 2026 حکومەت چەندین خاڵی گرنگی لەبەرچاوگرتووە کە لە داڕشتنەوەی بودجەدا پشتیان پێببەستێت.
لەبەشێکی دیکەی قسەکانیدا ڕایگەیاند: لەساڵی 2025دا، ژمارەی فەرمانبەرانی عێراق گەیشتە چوار ملیۆن و 550 هەزار، ئەمە جگە لە خانەنشینانی مەدەنی و سەربازییش کە دوو ملیۆن و 960 هەزار کەس بووە، لەگەڵ ئەوەشدا ساڵانە شەش ترلیۆن دینار بۆ چاودێریی کۆمەڵایەتی تەرخاندەكرێت.
سودانی: یەدەگی زێڕی عێراق گەیشتۆتە 172 تۆن
سەرۆک وەزیرانی عێراق، هەواڵی خۆشی بۆ هاووڵاتیانی عێراق بڵاوکردەوە و وتی: دۆخی دارایی وڵات زۆر باشە، یەدەگی دۆلار 108 ملیارە و زێڕیش گەیشتووەتە 172 تۆن.
No Comment! Be the first one.