تا 100 ملیۆن دینار قەرز دەدرێتە هاووڵاتیان

چاویارنیوز _ ڕیاز خەڵەف حسێن بەرپرسی ڕاگەیاندنی بانکی خانوبەرەی عێراق دەڵێت: بانکەکەمان بڕیاریداوە، قەرز بدات بە هاووڵاتیانی عێراق و بڕی قەرزەکە دەگاتە 100 ملیۆن دینار و ئەو قەرزەش بەپێی بەهای موڵکی ئەو هاووڵاتییە دەدرێت، ئەوەش لەلایەن لیژنەکانی هەڵسەنگاندنەوە دیاریکراوە، بەمەرجێک ڕووبەری موڵکەکە لە 100 مەتر چوارگۆشە کەمتر نەبێت.
ڕاشیگەیاند: هەموو ئەو قەرزانەی کە لەهاووڵاتیان وەردەگیرێتەوە، دەدرێتەوە بە قەرز، ئەوەش ژمارەی ئەو خەرجکردنانە دیاری دەکات کە دەتوانرێت لە هەر خولێکی داواکاریدا بدرێن به‌ هاووڵاتیان.
وتیشی: کاتێک ژمارەی داواکاران هاوتای بودجەی بەردەست بوو، سیستمی ئەلیکترۆنی بەشێوەیەکی ئۆتۆماتیکی دادەخرێت، ئەوەش پێویستی بە تۆمارکردنی خێرای هاوڵاتیان هەیە.