چاویارنیوز _کۆبونەوەی ئەنجومەنی وەزیران لەسبەینێوە پێشخراوە بۆ ئەمڕۆ ئەوەش بەهۆی سەفەرەکەی سودانییەوەیە بۆ هەرێم، بۆچوونەکانیش باس لەوەدەکەن محەمەد شیاع سودانی سەرۆک وەزیرانی عێراق بۆ پێکهێنانی حکومەتی داهاتوو، پێویستی بە لایەنە براوەکانی کوردستان هەیە، بۆیە ئەگەری ئەوە هەیە ئەمڕۆ پێش سەردانەکەی، سودانی بڕیار لە خەرجکردنی مووچەی مانگی 9ی مووچەخۆرانی هەریمی کوردستان بدات.
میدیاکانیش ئاماژە بەوەدەکەن، چاوەڕێ ناکرێت، سودانی بە دەستی بەتاڵەوە ئەم سەردانە بکات، بەڵکو وەک نیاز پاکی و خۆ نزیککردنەوە لەلایەنەکانی کوردستان، دوور نییە بڕیاری خەرجکردنی مووچە بکات بە دیاری دەستی بۆ هەرێم.
ئەمڕۆ کۆبونەوەی ئەنجومەنی وەزیرانی عێراق بەڕێوەدەچێت
هەرچەندە بەپێی یاسا بڕیارە ئەنجومەنی وەزیرانی عێراق لە ڕۆژانی سێشەممەدا ببەسترێت، بەڵام بەهۆی سەفەری سودانییەوە، کۆبوونەوەی سبەینێ پێشخراوە بۆ ئەمڕۆ دووشەممە.
No Comment! Be the first one.