چاویارنیوز _ دوای ڕاگەیاندنی ئەنجامەکانی هەڵبژاردن، محەمەد شیاع سودانی سەرۆک وەزیرانی عێراق لە وتارێکی تەلەفزیۆنیدا دەستخۆشی لە لایەنگرانی لیستەکەی (هاوپەیمانی ئاوەدانکردنەوەو گەشەپێدان” كرد بەبۆنەی بەدەستهێنانی پلەی یەکەم لە ئەنجامی هەڵبژاردنەکاندا.
سودانی ڕاشیگەیاندووە، پێکەوە کاردەکەین لەپێناو هێنادی تەواوی ویست و بەرژەوەندیی هاووڵاتیان بەبێ جیاوازی، بە هەموو ئەو کەسانەیشەوە كە بایکۆتیان کردبووین، چونکە عێراق هی هەمووانە.
سودانی وتیشی: قۆناغی بانگەشەی هەڵبژاردن کۆتاییهات، داواشی لە هەموو لایەک كرد بەرژەوەندیی حزبی و کەسی وەلاوە بنێن و بەرژەوەندی نیشتمانی لە سەرووی هەمووانەوە دابنێن بۆ ئەوەی خزمەت بە گەلی عێراق بکەین، چونکە بڕیاری گەل دەسەڵاتی کۆتاییە و دەبێت حکومەتێکی خزمەتکار پێکبهێنین.
سودانی باس لە پێكهێنانی حكومەتی نوێ دەکات
سەرۆک وەزیرانی عێراق ئاماژە بەوەدەکات، لیستەکەی کە دەنگی زۆرینەی عێراقییەکانی بۆ خۆی بردووە، دەرگای کراوەیە بۆ هەر لیست و هێزێک بەشداربێت لە پێکهێنانی حکومەتدا.
No Comment! Be the first one.