چاویارنیوز _ هەرێم کەمال ئاغا ئەندامی ئەنجومەنی نوێنەرانی عێراق رایگەیاند: بەبۆنەی ئەو مشتومڕ و فشارە دەرەکییەکانەوە لەسەر عێراقە، پرۆژەیاسای حەشدی شەعبی لە ئەنجوومەنى نوێنەران کشێنراوەتەوە.
وتیشی: لەم بارودۆخە نەخوازراو و پڕ ئاڵنگارییەدا و لەم خولەی ئەنجوومەنى نوێنەراندا دەنگى لەسەر نادرێت، چونکە کۆدەنگییەک لەناو چوارچێوەی هەماهەنگی هەیە بۆ تێنەپەڕاندن و کشاندنەوەی ئەم پرۆژەیاسایە.
روونیکردەوە، تێنەپەڕاندنی پرۆژەیاساکە لەم قۆناغەدا چەند هۆکارێکى هەبوو، لەوانە لەنێوماڵی شیعە ناکۆکی هەبووە لەسەر تێپەڕاندنی، لەگەڵئەوەشدا ژمارەیەک گرووپی چەکدار “لە دەرەوەی یاسا و لەژێر چەتری حەشدی شەعبیدان” کە بەلاى ئەمریکا و هاوپەیمانەکان لە رابردوو و ئێستاشدا مەترسین بۆ سەر بەرژەوەندییەکانی عێراق و ناوچەکە بۆیە بە فشارى ئەمریکا و هاوپەیمانان، پرۆژەیاساکەی کشێنرایەوە.
بەپێی هەواڵی میدیا عێراقییەکان، لەمانگی ئابی ئەمساڵدا، ستیڤن ڤاگن کاربەڕێکەری باڵیۆزخانەی ئەمریکا لە عێراق، لە کۆبوونەوەیەکدا لەگەڵ موحسین مەندەلاوى جێگری سەرۆکی ئەنجوومەنی نوێنەرانی عێراق، بە فەرمى هۆشدارى واشنتنى گەیاندە بەغداد لە تێپەڕاندنی پرۆژەیاساى حەشدی شەعبی.
پرۆژەیاسای حەشدی شەعبی کشێندرایەوە
هەرێم کەمال ڕایدەگەیەنێت: لەم بارودۆخە نەخوازراو و پڕ ئاڵنگارییەدا و لەم خولەی ئەنجوومەنى نوێنەراندا دەنگى لەسەر نادرێت، چونکە کۆدەنگییەک لەناو چوارچێوەی هەماهەنگی هەیە بۆ تێنەپەڕاندن و کشاندنەوەی ئەم پرۆژەیاسایە.
No Comment! Be the first one.