چاویارنیوز ـ بەپێی ڕاگەیەنراوێکی کۆمسیۆنی باڵای سەربەخۆی هەڵبژاردنەکانی عێراق، تا ئێستا 627 کاندیدیان بۆ هەڵبژاردنی ئەنجومەنی نوێنەرانی عێراق دوورخستووەتەوە.
کۆمسیۆنەکە ئاشکرایکردووە، حەوت هەزار و 440 کەس وەک کاندید بڕیارە بەشداریی لە هەڵبژاردنی ئەنجومەنی نوێنەرانی عێراق بکەن، لەو ڕێژەیەش 627 کەسیش دوورخراونەتەوە.
ڕاشیگەیاندووە، لە کۆی ئەو کەسانەی دوورخراونەتەوە 290 کەسیان پەیوەندی بە بنەماکانی دادپەروەرییەوە هەبووە، 163 کەسیان داوای گۆڕینیان کراوە، 106 کەسیان لە تاوانەوە تێوەگلاون، چوار کەسیان بەهۆی بەڵگەنامەی ساختە، 15 کەسیان بە بڕیاری ئەنجومەنی باڵای دادوەری، 34 کەسیان بەهۆی نەبوونی بڕوانامە دوورخراونەتەوە.
جەختیشیکردەوە، 10 لەو کەسانەی دوورخراونەتەوە لە پێکهاتەی مەسحییەکانن.
No Comment! Be the first one.