چاویارنیوز _ نەوزاد شێخ کامیل بەرێوبەری گشتیی لە وەزارەتی بازرگانی و پیشەسازی هەرێم باسی لەوەکرد، دوای ئەوەی بۆ ماوەی سێ ساڵ، بەسەر ڕاگرتنی تۆمارکردنی ناوی منداڵ لە فۆرمی خۆراک تێپەڕدەبێت، لەئێستادا دووبارە پرۆسەکە لە شەش پارێزگای عێراق دەستیپێكردۆتەوە، کە هەردوو پارێزگای (دهۆک،هەڵەبجە) لەهەرێمە و بڕیاریشە پڕۆسەکە بەردەوام دەبێت.
وتی: لەگەڵ دەستپێکردنی پرۆسەکە، قەرەباڵغیەکی زۆر لەتۆمارکردنی ناوی منداڵ دروست بووە، بەڵام هێشتا لە هەولێر و سلێمانی دەستیپێنەکردووە، بەڵام بڕیارە لە ماوەیەکی نزیکدا دەستپێبکات، ئەمە سەرەڕای ئەوەی 94%ی هاووڵاتیانی هەرێم لە فۆرمی ئەلیکترۆنی خۆراک خۆیان تۆمارکردووە، لە بەرامبەریشدا 291 هەزار هاووڵاتی ماون کە خۆیان تۆماربکەن، کە زیاتر ئەوانەن لە دەرەوەی وڵاتن یاخود کارتی نیشتمانیان نییە بەو هۆیەوە بەشەخۆراکی مانگانەیان راگیراوە.
تۆمارکردنی ناوی منداڵ لە فۆڕمی ئەلیکترۆنیی خۆراک دەستپێدەکاتەوە
لە شەش پارێزگای عێراق، تۆمارکردنی ناوی منداڵ بۆ فۆڕمی ئەلیکترۆنیی خۆراک دەستیپێکردۆتەوە، کە دوو پارێزگایان لە هەرێمن.
No Comment! Be the first one.