چاویارنیوز _ پرسی داهاتە ناوخۆییەكانی هەرێم یەكێكە لە كێشە بنەڕەتییەكانی نێوان حكومەتی عێراق و حكومەتی هەرێم. بەپێی زانیارییەكانیش، حكومەتی عێراق داوای %50ی تێكڕای داهاتی ناوخۆی هەرێم دەكات وەك پشكی عێراق لە داهاتی ناوخۆ، بەڵام حكومەتی هەرێم دەیەوێت تەنیا %50ی ئەو داهاتە ناوخۆییانە بۆ عێراق بگەڕێنێتەوە كە لە تەواوی شارەكانی عێراق لە هاوڵاتیان وەردەگیرێن و لای هەرێمەوە ناونراوە داهاتی فیدڕاڵی.
وەک پێشتر باسکراوە، لە هەرێمی كوردستان 74 جۆر داهاتی ناوخۆیی هەیەو لە عێراق تەنیا 11 جۆر داهاتی ناوخۆ هەیە. بۆیە هەرێم دەیەوێـت تەنیا داهاتی ئەو 11 جۆر داهاتە بگەڕێنێـتەوە بۆ عێراق كە لە بەغدا وەردەگیرێن.
بەپێی زانیارییەكان، لەسەر ئەو بابەتە جیاوازی زۆر هەیە لە نێوان لیژنەكانی هەولێرو بەغدا. بۆیە بڕیاردراوە ئەو كێشەیە ببرێتە بەردەم دادگای فیدڕاڵی و ئەو دادگایە بەشێوەیەكی یاسایی ئەو دۆسیەیە یەكلایی بكاتەوە كە بزانرێت كام جۆری داهات پەیوەندی بە عێراقەوە هەیەو دەبێت هەرێم بیگەڕێنێتەوە بۆ عێراق.
دادگای فیدڕاڵی بڕیار لەسەر ڕادەستکردنی داهاتی ناوخۆی هەرێم دەدات
بەپێی زانیارییەكان، ناکۆکی لەنێوان هەرێم و ناوەند دروستبووە لەسەر داهاتە ناوخۆییەکانی هەرێم و جیاوازی زۆر هەیە لە نێوان لیژنەكانی هەولێرو بەغدا. بۆیە بڕیاردراوە ئەو كێشەیە ببرێتە بەردەم دادگای فیدڕاڵی.
No Comment! Be the first one.