چاویارنیوز _ ئەحمەد قوسەی سەرۆکی تیمی هەڵدانەوەی گۆڕە بەکۆمەڵەکانی سەربە حکومەتی فیدراڵ ڕایگەیاند: تیمێکی تایبەتمان لە ئەم هەفتەیەوە گەیشتووەتە شنگال و لە سبەینێ 17ی ئەم مانگەوە، دەست بە هەڵدانەوەی چەند گۆڕێکی نوێ دەکەین.
ئاماژەی بەوەشکرد، سەرەتای دەستپێکردنی کارەکانیان لە گوندی حەردان و کۆمەڵگەی سیبا شێخ خدر دەستپێدەکات و ماوەی 10 ڕۆژ بەردەوام دەبێت، لەئێستادا ژمارەیەکی زۆر گۆڕی بەکۆمەڵ و تاکەکەسی لە سنوورەکەدا دۆزراونەتەوە، کە شایەتحاڵی ئەو تاوانە گەورەیەن کە داعش دژی ئێزدییەکان ئەنجامیدا.
کۆی گشتیی گۆڕە دۆزراوەکان: 95 گۆڕی بەکۆمەڵ و 15 گۆڕی تاکەکەسی.
گۆڕە هەڵدراوەکان: 68 گۆڕی بەکۆمەڵ و 13 گۆڕی تاکەکەسی.
گۆڕە ماوەکان: 27 گۆڕی بەکۆمەڵ و 2 گۆڕی تاکەکەسی هێشتا هەڵنەدراونەتەوە.
لەو گۆڕانەی کە هەڵدراونەتەوە، ڕووفاتی زیاتر لە 700 قوربانی دۆزراوەتەوە و بۆ پشکنینی DNA ڕەوانەی پزیشکی دادی بەغداد کراون.
تا ئێستا ناسنامەی 296 لەو ڕووفاتانە ئاشکرا کراوە
دەستدەکرێت بە هەڵدانەوەی گۆڕە بەکۆمەڵەکانی شەنگال
سەرۆکی تیمی هەڵدانەوەی گۆڕە بە کۆمەڵەکان دەڵێت: پرۆسەی هەڵدانەوەی گۆڕەکان لە 17ی ئەم مانگەوە دەستپێدەکات، ئەمەش دوای ئەوەی تیمێکی پسپۆڕی هەڵدانەوەی گۆڕە بەکۆمەڵەکان گەیشتووەتە شنگال و بڕیارە لە قۆناغێکی نوێدا، چەند گۆڕێکی دیکەی قوربانیانی دەستی داعش هەڵبدەنەوە.
No Comment! Be the first one.