چاویارنیونیوز _جومانە غەلای وتەبێژی كۆمسیۆنی باڵای سەربەخۆی هەڵبژاردنەكانی عێراق دەڵێت: وەک ڕوونە لەدوای ڕاگەیاندنی ئەنجامی هەڵبژاردن، لایەنەکان بەردەوام بوون لەسەر تۆمارکردنی سکاڵا، بەمەش 872 سكاڵا لە ئەنجامەكان تۆماركران، بەڵام بەشێكی ئەو سكاڵایانە وەڵامیان درایەوە و بەشێكی دیكەشیان ڕەتكرانەوە. هەموو سکاڵاکانیش نەنێردراوە بۆ دەستەڵاتی دادوەری، تەنها 528 سكاڵامان ئاراستەی دەسەڵاتەکە كردووە بۆ ئەوەی ئەوان بڕیاری كۆتایی لەسەر سکاڵاکان بدەن و دواتر بە ڕەسمی ئەنجامەكان پەسەندبكرێن.
شایانی باسە، بەگوێرەی یاسا، دوای ئەوەی دادگا بڕیاردەدات کە ئەنجامەكانی هەڵبژاردن پەسەندبکات، پاشان سەرۆك كۆمار بەپێی ماددەی54ی دەستوور، وادەی یەكەم كۆبوونەوەی پەرلەمان دیاریدەكات بۆ سوێندخواردنی پەرلەمانتاران بەپێی ماددەی 56، و دوای هەڵبژاردنی سەرۆكی پەرلەمان، پاشان سەرۆكی گەورەترین فراكسیۆن ڕادەستپێردرێت بۆ پێكهێنانی حكومەت، بەڵام تا ئێستا لایەنە سیاسییەكان نەگەیشتوونەتە ڕێككەوتن لەسەر دیاریكردنی سەرۆكی كۆمار و سەرۆك وەزیران و سەرۆكی پەرلەمان.
زیاتر لە 500 سكاڵا نێردراوە بۆ دەسەڵاتی دادوەریی
وتەبێژی كۆمسیۆنی باڵای سەربەخۆی هەڵبژاردنەكانی عێراق ئاماژە بەوەدەكات، لەکۆی ئەو سکاڵایانەی لەسەر پرۆسەی هەڵبژاردن تۆمارکراون، تەنها 528 سكاڵایان ئاراستەی دەسەڵاتی دادوەری كردووە و ئەوانی دیكە ڕەتكراونەتەوە، سکاڵاکانیش 872 سكاڵایە.
No Comment! Be the first one.