چاویارنیوز _ گوڵاڵە سدیق شارەزای دارایی و بانک دەڵێت: سەبارەت بە لێبڕینی %3 چەندین ستەم لە مووچەخۆر کراوە.
١ـ چەندین مووچەی مووچەخۆر نەدراوە، پاشەکەوتکراوە، لێی بڕدراوە، بەڵام ئێستا ئەو %3 لەو موچە نەدراوانەش دەبڕدرێت بۆ 10 ساڵ!
٢ـ چەندین مووچەخۆر مۆڵەتی بێ موچەی کردوە، ساڵ، دوو ساڵ، سێ ساڵ … بەڵام ئایا ئێستا ئەو %3 لەو ساڵانەش دەبڕن کە موچەخۆر هیچ مووچەیەکی وەرنەگرتوە و مۆڵەت بووە؟ ئەگەر دەبڕدرێت ئەمەش ستەمێکی ترە!
3ـ لە ماوەی ئەو ١٠ ساڵەدا، %٧ لەلایەن حکومەتی هەرێمەوە لە مووچەخۆر بڕدراوە بەناوی سندوقی خانەنشینییەوە، وە لەبەرئەوەی لە هەرێم ئەم سندوقە نەبووە چارەنوسی ئەو بڕە پارەیە نادیارە، لێرەدا پرسیارێک دێتە پێشەوە، ئایا حکومەتی فیدراڵ داوای ئەو %7 بۆ ماوەی 10 ساڵ لە حکومەتی هەرێم دەکاتەوە یان تەنها داوای %3 مووچەخۆران دەکات و دارەکە لەسەری مووچەخۆر دەشکێنێت؟
4ـ حکومەتی هەرێم مافێکی مووچەخۆرانی زەوتکردوە کە ئەویش پلەبەرزکردنەوەیە، چونکە مافێک یاسا بیدات ناتوانرێت بە رێنمایی ئەو مافە بسەنرێتەوە، تەنها بە یاسایەک دەتوانرێت ئەو مافە بسەنرێتەوە کە هێزی یاساکە هاوتای هێزی یاساکەی یەکەم جار بێت یان هێزەکەی زیاتر بێت، سەرەڕای ئەوەی حکومەتی هەرێم ئەم مافەی زەوتکردوە، پاش گەڕاندنەوەی پلەبەرزکردنەوە هاتوە جیاکاری لە نێوان وەزارەتەکان کردوە بۆ هەندێکیانی گەڕاندوەتەوە و بۆ هەندێکی نەگەڕاندوەتەوە.
لەبەرئەوە ئێستا کاتی ئەوەیە حکومەتی هەرێم ئەو مافە زەوتکراوە بۆ مووچەخۆران بگەڕێنێتەوە، چیتر ئەم جیاکاری و مەزاجە لەنێوان موچەخۆرانی جێبەجێ نەکات، ئەگەر نا ئەمە پاڵنەرێکی باشە بۆ تۆمارکردنی سکاڵا لە دادگای باڵای فیدراڵی بۆ
1ـ گەڕاندنەوەی پلەبەرزکرنەوە.
2ـ هەژمارنەکردنی ئەو %٣ بۆ مووچە نەدراوەکان و مۆڵەتە بێ موچەییەکان.
No Comment! Be the first one.