چاویارنیوز _کۆمیسیۆنی باڵای سەربەخۆی هەڵبژاردنەکانی عێراق ڕایگەیاند: لە دوای تەواوبوونی پرۆسەی هەڵبژاردن بۆ خولی شەشەمی ئەنجومەنی نوێنەران، کاندیدەکان ماوەی 30 ڕۆژیان وەک دەرفەت پێدەدرێت لەبەردەستدایە بۆ لێکردنەوە و هەڵگرتنەوەی ئەو فلێکس و پۆستەرانەی لە کاتی بانگەشەی هەڵبژاردندا لەسەر شەقام و شوێنە گشتییەکان هەڵیانواسیوە.
بەپێی ڕاگەیەنراوەکەی کۆمسیۆن، لەو ماوەیەدا کە بۆ کاندیدەکان دیاریکراوە، ئەگەر پۆستەرەکان لێ نەکەنەوە، ئەوا کۆمیسیۆن خۆی بەو کارە هەڵدەستێت و تێچووی لابردنی پۆستەرەکان لەو بڕە پارەیە دەبڕێت کە کاندیدەکە وەکو بارمتە لای کۆمیسیۆن دای ناون.
بەپێی زانیارییەکان لەهەردوو خولی دەنگدانی تایبەت و گشتیدا، 39 سکاڵا لەسەرانسەری عێراق تۆمارکراون.
مانگێک دەرفەت دەدرێتە کاندیدەکان
کۆمسیۆنی باڵای سەربەخۆی هەڵبژاردنەکانی عێراق ڕایگەیاند: تەواوی کاندیدەکان دەرفەتی مانگێکیان پێدراوە بۆ لێکردنەوەی پۆستەرەکانیان و پاککردنەوەی شەقامەکان.
No Comment! Be the first one.