چوار رۆژ پشووی فەرمی لە هەرێمی کوردستان راگەیەندرا

چاویار- بەبۆنەی جەژنی قوربان، چوار رۆژی سەرەتای مانگی داهاتوو لەسەرجەم دامەزراوە فەرمییەکانی هەرێم پشووی فەرمی دەبێت.

ئەمڕۆ یەکشەممە ٢٥ـی ئایاری ٢٠٢٥، بەگوێرەی رۆژمێری فەرمی حکومەتی هەرێمی کوردستان بۆ ساڵی ٢٠٢٥، رۆژانی ٦، ٧، ٨ و ٩ـی مانگی داهاتوو بەبۆنەی جەژنی قوربانی ئەمساڵەوە، لەسەرجەم دامەزراوە فەرمییەکانی هەرێم پشووی فەرمی دەبێت.

هەر بەپێی ئەو رۆژمێرە، رۆژێکی دیکەی هەمان مانگ، واتە ٢٦ـی حوزەیرانی ٢٠٢٥، بەبۆنەی سەری ساڵی کۆچییەوە لە هەرێمی کوردستان پشووی فەرمی دەبێت.