چاویارنیوز _ جومانە غلای وتەبێژی كۆمسیۆنی باڵای سەربەخۆی هەڵبژاردنەكانی عێراق دەڵێت کۆمسیۆن سەرقاڵی ڕێکخستنەوەی دەنگی ئەو سندوقانەیە کە هێشتا نەنێردراون، ئەم كارانە هاوكات لەگەڵ یەكلاكردنەوەی سكاڵاكان، وەكو ئامادەكارییەك بۆ راگەیاندنی ئەنجامی كۆتایی هەڵبژاردن.
بەپێی زانیارییەکانی کۆمسیۆنیش، راگەیاندنی ئەنجامی كۆتایی هەڵبژاردن دوای یەكلاكردنەوەی سكاڵاكان دەبێت، رەنگە بكەوێتە هەفتەی ئایندەوەو بە بڕیاری ئەنجومەنی كۆمسیاران دەبێت و هەموو بڕیارەكانی ئەنجومەنی كۆمسیاران دوای سێ رۆژ لە بڵاوبوونەوەیان لە سایتی فەرمی، دەكرێت لە دەستەی دادوەریی هەڵبژاردنەكان تانەیان لێ بدرێت.
باس لەوەشدەکات، لە قۆناغی یەكلابوونەوەی تانەكان كە 7 رۆژی ماوەی كاركردنی كۆمسیۆنە، لەگەڵ 10 رۆژی كاركردنی دەستەی دادوەریی، ئیتر دەگەینە كۆتایی پرۆسەی هەڵبژاردن.
هەموو دەنگەكان دەخرێنە ناو پرۆگرامێكی تایبەت بە ئەژماركردنی شێوازی (سانت لیگۆ)، ئەم بەرنامەیە هەڵدەسێت بە دابەشكردنی كورسییەكانی هەر پارێزگایەك. كۆمسیۆنیش هەڵدەستێ بە راگەیاندنی ژمارەی كورسییەكان.
ئەنجامی كۆتایی هەڵبژاردن رادەگەیەنرێت
وتەبێژی کۆمسیۆنی باڵای سەربەخۆی هەڵبژاردنەکانی عێراق ڕایگەیاند: كۆمسیۆنەکەیان سەرقاڵی پرۆسێسكردنی دەنگی ئەو وێستگانەی دەنگدانە كە هێشتا ئەنجامەكانیان نەنێردراوە، ئەم ئەنجامانە دەخرێنە ناو ناوەندی ئەژماركردنی دەنگەكان.
No Comment! Be the first one.