چاویارنیوز _ تەیف سامی وەزیری دارایی عێراق پەیامێکی بڵاوکردەوە و تێیدا هاتووە “پشتیوانی خۆم بۆ هەوڵەکانی راگرتنی هەموو جۆرە توندوتیژییەک بەرامبەر بە ژنان دەردەبڕم”..
لە پەیامەکەدا ڕایگەیاندووە، لە ڕۆژی نێودەوڵەتیی نەهێشتنی توندوتیژی دژی ژناندا، لەڕێگەی ئەنجومەنی باڵای کاروباری ژنانەوە، پشتیوانی لە هەوڵەکان دەکەین بۆ کۆتاییهێنان بە توندوتیژی و جیاکاری دژی ژنان و دابینکردنی پشتگیری و بایەخی پێویست بۆ بەهێزکردنی پێگەی ژنان لە کۆمەڵگەدا.
وتیشی: پشتگیری تەواوی هەوڵەکان دەکەم بۆ دروستکردنی ژینگەیەکی سەلامەت و تەندروست بۆ ژنان تا گەیشتن بە دۆخێکی دادپەروەری و یەکسانی و لابردنی ئەو ئاستەنگانەی کە ڕووبەڕووی ژنان دەبنەوە.
ئەمە لەکاتێکدایە، 25/11ی هەموو ساڵێک لە جیهاندا ڕۆژی جیهانی بەرەنگاربوونەوەی تووندوتیژی دژی ژنانە و تێیدا چالاکی جۆراو جۆر بۆ بەرزڕاگرتنی ئەو ڕۆژە ئەنجام دەدرێت.
تەیف سامی پەیامێکی بۆ ژنان بڵاوکردەوە
وەزیری دارایی عێراق دوور لە پرسی دارایی و مووچە، بەبۆنەی رۆژی جیهانی بەرەنگاربوونەوەی توندوتیژی دژی ژنان، پەیامێکی بڵاوکردەوە.
No Comment! Be the first one.