چاویارنیوز _ لیژنەی نەوت‌و گاز لە ئەنجومەنی نوێنەران، چەند زانیارییەکی گرنگی ئاشكرایكردوه، ڕەنگە سبه‌ینێ یەکشەممە کۆتایی بەهەموو گفتوگۆکان لەبارەی نەوتی هه‌رێمه‌وه دەهێنرێت.
بەگوێرەی زانیارییە سەرەتاییەکان، هەردوولا ڕێککەوتون لەسەر پێشنیازێک لەبری ئەوەی 16 دۆلار وەک كرێى بەرهەمهێنان بدرێت بەکۆمپانیاکان، نەوتیان پێبدرێت.
میدیاکانی عێراقیش بڵاویانکردۆتەوە، سبه‌ینێ ڕێککەوتنە سێقۆڵییەکە لەنێوان کۆمپانیا بەرهەمهێنەرەکان‌و وەزارەتی سامانە سروشتییەکان‌و وەزارەتی نەوتی عێراق واژۆدەکرێت.
سبەینێ بۆ ڕێککەوتنی هەرێم و ناوەند گرنگ دەبێت
سبەینێ یەکشەممە، کۆبوونەوەیەکی گرنگ لە وەزارەتی نەوتی عێراق به‌ڕێوه‌بچێت بۆ ئیمزاکردنی دوایین ڕەشنووسی نێوان حکومەتی هەرێم‌و حکومەتی عێراق‌و کۆمپانیاکان بۆ پرسی هەناردەکردنەوەی نەوتی هه‌رێم و ئەو بابەتانەی ڕێککەوتنی هەرێم و ناوەندی دواخستووە.
No Comment! Be the first one.