چاویارنیوز _ بەپێی زانیارییەکان، شەوی رابردوو وەزارەتی سامانە سرووشتییەکانی هەرێم رەزامەندیان لەسەر تێبینییەکانی وەزارەتی نەوتی عێراق دەربڕیوە و یاداشتنامەیەکیان بۆ رێککەوتن واژوو کردووە، بەقسەی سەرچاوەکەش بێت، بەپێی رێککەوتنەکە ئەو نەوتەی هەرێم بەرهەمیدەهێنێت 50 هەزار بەرمیلی بۆ پێداویستییەکانی ناوخۆ گلدەدرێتەوە، ئەو بڕەی دیکە کە دەمێنێتەوە لە رێگەی کۆمپانیای سۆمۆوە هەناردە دەکرێت، لە بەرامبەردا حکومەتی عێراق شایستە داراییەکانی کۆمپانیا نەوتییەکان دابیندەکات و بۆ هەر بەرمیل نەوتێک 16 دۆلار خەمڵێندراوە.
هەرێم و بەغدا ڕێککەوتن لەسەر هەناردەی نەوتی هەرێم
سەرچاوەیەک لە وەزارەتی نەوتی عێراق ڕایگەیاند: رێککەوتن لەسەر واژووکردنی یاداشتێکی سێقۆڵی لەنێوان حکومەتی هەرێم، حکومەتی عێراق و کۆمپانیا نەوتییەکان ئەنجامدراوە و بڕیارە سەرەتای ئەم هەفتەیە رێککەوتنەکە واژوو بکرێت و لە رۆژانی ئایندەدا بخرێتە بواری جێبەجێکردنەوە.
No Comment! Be the first one.