چاویارنیوز _ نەبەرد عومەر بەرپرسی هەڵبژاردنەکان لە کۆمسیۆنی باڵای سەربەخۆی هەڵبژاردنەکانی عێراق لەهەرێم ڕایگەیاند: پرۆسەی دەنگدانی تایبەت بە باش و سەردەمیانە بەڕێوەچووە، تێیدا لە هەولێر ١٠٩ هەزار و ٥٠٨ کەس بەشداریان لە دەنگدان کردوە کە دەگاتە ٩٨٪، لە سلێمانیش بەڕێژەی ٩٨٪ بەشداری کردووە کە ١٠٦ هەزار و ٣٥٠ کەس بووە، هەروەها لە دهۆک ڕێژەی بەشداریکردن ٩٧٪ بووە، کە ٥٥ هەزار و ٤١١ کەس بەشداریان کردووە.
لەبارەی ڕێژەی بەشداری ئاوارەکانیشەوە، باسی لەوەکرد، لە پارێزگای دهۆک بە ڕێژەی بەشداریکردن ٧٧٪ بووە و ٢٠ هەزار کەس دەنگیانداوە.
ئەمە لەکاتێکدایە بڕیارە سبەینێ سێشەممە ١١ی ١١ی ٢٠٢٥، دەنگدانی گشتی لە عێراق و هەرێمی کوردستان بۆ خولی شەشەمی ئەنجومەنی نوێنەران، بەڕێوەبچێت.
چەند زانیارییەک لەسەر دەنگدانی تایبەت
بەرپرسێک لە کۆمیسیۆنی باڵای سەربەخۆی هەڵبژاردنەکانی عیراق لە هەرێم دەڵێت: ڕێژەی بەشداریی دەنگدار لە دەنگدانی تایبەت لە هەرێم گەیشتۆتە ٩٨٪ ، ئەمەش ڕێژەیەکی بەرزە.
No Comment! Be the first one.