چاویارنیوز _ فەرید دڵشاد ڕۆژنامەنووس و توێژەری سیاسی لە وتارێکدا کە ئەمەی خوارەوە دەقەکەیەتی، دەڵێت:
كارتەكەی پارتی سوتا و ناتوانێت لە پێكهێنانی حكومەتی هەرێم ئەم كارتە دژی یەكێتی بەكاربهێنێت، بۆچی؟
شەوی رابردوو چوارچێوەی هەماهەنگی شیعەكانی عیراق، پێكهێنانی گەورەترین كوتلەی پەرلەمانیان لە ئەنجومەنی نوێنەرانی عیراق راگەیاند و ئاشكرایانكرد، كار بۆ دیاریكردنی سەرۆك وەزیرانی داهاتوو دەكەن.
كۆبوونەوەكەی چوارچێوەی هەماهەنگی بە بەشداریی محەممەد شیاع سودانی كرا، بەمەش بە تێكرا لیستە شیعەكان 179 كورسییان لە كۆی 329 كورسی ئەنجومەنی نوێنەرانی عیراق بەدەستهێناوە.
لەدوای هەڵبژاردنی دەستەی سەرۆكایەتی پەرلەمان، ئەنجومەنی نوێنەرانی عیراق دەبێت لەماوەی (30 رۆژ)دا؛ بەدەنگی (دوو لەسەر سێ) واتا لە كۆی (329 كورسی) بە (220) كورسی، سەرۆك كۆماری نوێ هەڵبژێرێت.
ئەگەر لە خولی یەكەمی دەنگدان هیچ یەكێك لەوانەی خۆیان بۆ پۆستی سەرۆك كۆمار كاندید كردبوو دەنگی (دوو لەسەر سێ)یان نەهێنا، ئەوا لە گەڕی دووەمی دەنگداندا هەر كاندیدێك زۆرترین دەنگی بەدەستهێنا دەبێت بە سەرۆك كۆمار.
بەپێی ئەم هەنگاوانە ئەگەر پارتی لەبەرامبەر یەكێتی كاندیدی بۆ پۆستی سەرۆكایەتی كۆمار بێت كاندیدەكەی یەكێتی سەردەكەوێت چونكە زۆرینەی چوارچێوەی هەماهەنگی دەنگ دەدەن بە كاندیدەكەی یەكێتی. ئەمەش چۆن؟
یەكەم: دەوڵەتی یاسا بەسەرۆكایەتی نوری مالیكی29كورسی هەیە، دەنگەكانی بۆ یەكێتییە و نزیكن لە یەكێتییەوە تەنانەت مالكی و بارزانی ناكۆكییان هەیە.
دووەم: بزووتنەوەی سادیقون بەسەرۆكایەتی قەیس خەزعەلی27كورسی هەیە، دەنگەكانی بۆ یەكێتییە بەئاشكرا خەزعەلی وتی؛ دەنگ بە یەكێتی دەدەین.
سێیەم: هاوپەیمانی تەقەدوم بەسەرۆكایەتی محمەد حەلبوسی27كورسی هەیە، دەنگەكانی بۆ یەكێتییە چونكە حەلبوسی پەیوەندی لەگەڵ پارتی خراپە ئێستا.
چوارەم:رێكخراوی بەدر بەسەرۆكایەتی هادی عامری18كورسی، ئەمانیش هەر نزیكن لە یەكێتییەوە دەنگ بە كاندیدی یەكێتی دەدەن.
پێنجەم: هاوپەیمانی هێزەكانی دەوڵەتی نیشتمانی بەسەرۆكایەتی حەكیم18كورسی هەیە، ئەمانیش لە یەكێتییەوە نزیكن.
شەشەم: هاوپەیمانی عەزم بەسەرۆكایەت موسەننا سامەڕایی15كورسی، ئەمانە سونەن ونزیك ئێرانن ئەگەری زۆرە دەنگ بە كاندیدی یەكێتی بدەن.
بەپێی ئەم رێكخستنە ئەگەر كاندیدەكەی یەكێتی لە خولی یەكەمیش 220 دەنگی پەرلەمان نەهێنێی ئەوا لە خولی دووەم بە زۆرینە بە 165 دەنگ دەبێت بە سەرۆك كۆمار.
پارتی دەبێت بچێتەوە سەر رێگە راستەكە كە پۆستی سەرۆكی هەرێم بۆ پارتی لەبەرامبەر سەرۆك كۆمارە، بەپێچەوانەوە یەكێتی دەتوانێت ئەم كارتە دژی پارتی بەكاربهێنێت.
No Comment! Be the first one.