چاویارنیوز _ ئەحمەد شەرع سەرۆكی كاتیی سوریا لە مەرسوومێکی ئیمزاکراودا ژمارەیەک بۆنە و جەژن و یادی بۆ کۆمەڵانی خەڵکی سوریا ئیمزاکرد، بەڵام لەناو ئەو ڕۆژانەدا هیچ رۆژێکی نەکردۆتە بۆنە بۆ کورد، بەتایبەت جەژنی نەورۆز کە بۆنەیەکی نەتەوەیی گەلی کوردە.
ئەحمەد شەرع لەناو ئەو بۆنانەدا کە دیاریکردووە، چوار بۆنەی بۆ مەسیحییەکان داناوە، چاودێران و شارەزایان دەڵێت ئەم کارەی شەرع بۆ موجامەلەکردنی ئەمریکا و وڵاتانی ئەوروپایە، بەجۆرێك جەژنی قیامەی مەسحییەکان دوو رۆژیان داناوە (بۆ مەسیحییەکانی ڕۆژهەڵات و بۆ مەسیحییەکانی ڕۆژئاوا).
هەر لە خشتەکەدا جەژنی لەدایکبوونی مەسیح بە رۆژێک دیاریکراوە و بۆ جەژنی سەری ساڵیش رۆژێکیان داناوە، هاوكات جەژنی ڕەمەزان 3 ڕۆژ و جەژنی قوربان 4 ڕۆژ و سەری ساڵی كۆچی ڕۆژێك و یادی لەدایكبوونی پێغەمبەر (د.خ) ڕۆژێكی بۆ دیاریکراوە.
ئەمە لەكاتێكدایە، كە لە عێراق و توركیا بە یاسا ڕۆژی نەورۆز دیاری كراوە و لە ئێرانی-ش ڕۆژی نەورۆز خراوەتە ناو پشووی فەرمییەوە.
No Comment! Be the first one.