چاویارنیوز – بڕیاربوو دوێنی 120 ملیار ڕادەستی بانکی مەرکەزی لقی هەولێر بکرێت بەڵام بە درۆی گرفتی تەکنیکی دواخرا بۆ ئەمرۆ، ئەمرۆش بڕیاربوو کاتژمێر 9ڕادەستبکرێت بەڵام کاتژمێر نزیک 11 داهات ڕادەستکرا.
م.سیروان زێباری لەنووسینێکدا ڕایگەیاند: ئەگەر هەرێم دوێنێ داهاتەکەی ڕادەستکردبا ئەوا ئەمرۆ دەبوایە لیستی مووچە ڕابگەیەنن و مووچەخۆر مووچەکانیان وەربگرن کە هەر رۆژێک بۆیان بەقەد ساڵێکه لەبەر بەتاڵی گیرفانیان، بۆیە درۆی “گرفتی تەکنیکی” حازربوو و بەکاریانهێنا بۆ دواخستنی.
وتیشی: ئەگەر ئەمرۆش کاتژمێری سەرەتای دەوام داهاتەکەیان ڕادەستکردبا هەر ئەمرۆ بەغدا مووچەی دەناردو دەبوایە ئەمڕۆ لیستی مووچەیان ڕابگەیاندبایە، بەڵام ئەوەشیان نەکرد تا وایلێهات بەغدا نەیتوانی پارەکە بنێرێت بەبیانۆی درەنگ ڕادەستکردنی داهات.
باسی لەوشکردووە، بەهۆی هەڵەکانی حکومەتی هەرێم، هەینی و شەممە مووچە دابەشناکرێت و دەچێتە یەکشەممە، ئاخۆ تا ئەو کاتەش چی ڕوودەدات بەس خوا دەزانێت، بەم پێیە چەند رۆژێکی تریش مووچەخۆران بێ مووچە مانەوە، ئەمەش لوتکەی حەزو ئاوات وهیوای حکومەتی هەرێمە.
سیروان زێباری:
حکومەتی هەرێم هیوایەتی مووچەخۆر برسی بکات
مامۆستایەک ڕایدەگەیەنێت: ئەگەر ئەمرۆش کاتژمێری سەرەتای دەوام داهاتەکەیان ڕادەستکردبا هەر ئەمرۆ بەغدا مووچەی دەناردو دەبوایە ئەمڕۆ لیستی مووچەیان ڕابگەیاندبایە، بەڵام ئەوەشیان نەکرد تا وایلێهات بەغدا نەیتوانی پارەکە بنێرێت بەبیانۆی درەنگ ڕادەستکردنی داهات.
No Comment! Be the first one.