چاویارنیوز _ لە ڕاگەیەنراوێکدا، به‌ڕێوه‌به‌رایه‌تیی گشتیی حه‌ج وعومره‌ی هەرێم ڕایگەیاندووە: لیژنه‌یه‌ك له وه‌زاره‌تی ئه‌وقاف و كاروباری ئایینی، به‌ڕێوه‌به‌رایه‌تیی گشتیی حه‌ج و عومره له‌گه‌ڵ نووسینگه‌كانی حه‌ج و عومره له‌سه‌رجه‌م پارێزگا و ئیداره سه‌ربه‌خۆكان دەستبەکاربوون به ئامانجی هه‌ڵسه‌نگاندن و تیروپشكکرد بۆ ناوی ئه‌و كۆمپانیایانه‌ی كه داواكارییان پێشكه‌شكردووه بە وەزات کردووە.
بەپێی ڕاگەیەنراوەکە، لەئێستادا ئەو لیژنەیە ده‌ستبه‌كاربووه و بڕیاریشدراوە له هه‌فته‌ی داهاتووەوە بەپێی خشته‌یه‌كی ڕێکخراو كۆمپانیا ناونووسکراوەکان ئاگاداربکرێنەوە و چاوپێكه‌وتن وهه‌ڵسه‌نگاندیان لەگەڵ دەکرێت، دواتر ناویان دەچێتە تیروپشكه‌وه، پاشان لە ده‌روازه‌ی حه‌ج به شێوه‌یەکی ئه‌لیكترۆنی تیروپشكیان بۆ دەکرێت.
تا ئێستا 400 کۆمپانیا له هه‌رێم به شێوه‌ی رەسمی مۆڵه‌تیان پێدراوە، بەڵام بڕیارە بۆ حەجی حاجییانی 2026 نزیکەی 1000 كۆمپانیا هاوه‌ڵی حاجییان بن.
No Comment! Be the first one.