چاویارنیوز _ بەپێی ئەو زانیارییانەی کە کۆمسیۆنى باڵاى هه‌ڵبژاردنەکانی عێراق ڕایگەیاندووە، لەکۆی زیاتر لە 29 ملیۆن هاووڵاتیی عێراق و هەرێم كه مافی دەنگدانیان هەبوو، 12ملیۆن کەس دەنگیداوە و زیاتر لە 700 هەزار دەنگیش پووچەڵ بووە.
بەپێی ئەو زانیارییانەی کە کۆمسیۆنیش ئاماژەی پێداوە، زۆربەی دەنگە پووچەڵەکانیش لە پارێزگاکانی هەرێمە و لەپێشەنگی ژمارەی دەنگە پوچەڵەکاندان، لەدوای ئەویش پارێزگاکانی نەینەوا و بەسرە دێن. ئەمە جگەلەوەی بەشێک لە دەنگە پووچەڵەکان بۆئەوە دەگەڕێتەوە کە دەنگدەران لەکاتی دەنگداندا هەڵەیانکردووە، یەکێک لەجۆری هەڵەکانیش ئەوەبووە مۆری قەڵەمەکە لەو چوارچێوەیە دەرچووە کە دیاریکراوە، هەندێکیتریان قەناعەتیان بەهیچ لیست‌و کاندیدێك نەکردووە دەنگیان پێبدەن‌و بەمەش دەنگەکە پوچەڵ بووە.
زۆرترین دەنگی پوچەڵ لەپارێزگاکانی هەرێم بووە
دوای ڕاگەیاندنی ئەنجامی ڕەسمیی هەڵبژاردنی ئەنجومەنی نوێنەرانی عێراق، بەپێی داتاکانی کۆمسیۆن زیاتر لە 700 هەزار دەنگی پوچەڵ لەپارێزگاکانی هەرێم‌و عێراق هەبوون.
No Comment! Be the first one.