چاویارنیوز _ میدیاکانی عێراق بڵاویانکردەوە، لەم هەفتەیەدا محەمەد شیاع سودانی سەردانی هەرێمی کوردستان دەکات و یەکەم ئامانجی سەردانەکەیشی بەشداریکردنە لە دیدارێکی زانکۆی ئەمەریکی لە دهۆک.
میدیاکانی عێراق ئاماژە بەوەشدەکەن، سەردانەکەی سودانی بۆ هەرێم بەدەر نییە لە گفتوگۆ و کۆبوونەوە لەگەڵ لایەنەکانی هەرێم کە ئامانجی سەرەکی تێیدا باسوخواسی پێکهێنانی کابینەی نوێی حکومەتی عێراق دەبێت.
بەپێی زانیارییەکان سودانی دوو ڕۆژ لەهەرێم دەمێنێتەوەو لەپێناو ئەو سەردانەیشیدا بۆ هەرێم، کۆبوونەوەی ڕۆژی سێشەممەی ئەنجومەنی وەزیرانی پێشخستووە بۆ دووشەممە.
سودانی دێتە هەرێمی کوردستان
لەدوای ڕاگەیاندنی ئەنجامی بەرایی هەڵبژاردنی ئەنجومەنی نوێنەران، بڕیارە سەرۆک وەزیرانی عێراق سەردانی هەرێمی کوردستان بکات، پێکهێنانی کابینەی نوێ یەکێکە لە ئامانجی سەردانەکەی.
No Comment! Be the first one.