چاویارنیوز – لە28 مانگی رابردووەوەبەغدا رایگەیاند: چیتر مووچە بۆ هەرێم نانێرێت، تا ئێستا هەوڵەکان بەردەوامن بۆ چارەسەرکردنی ئەو کێشەیە لەنێوان هەرێم و بەغدا.
سەرتیپ جەوهەر نووسەر و رۆژنامەنووس، رایگەیاند: بەدڵنیاییەوە ئەو مووچە بڕینەی بەغدا پەیوەندی بەدوو پرسی سەرەكییەوە هەیە، یەكەمیان ئەو گرێبەستەی بەناوی پەرەپێدان و دەرهێنانی غازەوە لەئەمریكا لەگەڵ دوو كۆمپانیای (بێ ناونیشان) ئیمزاكرا. ئەویدیكەیان ئەو لێدوانە ئاگرینانە كە لەهەرێم دەدرێن لەبەرامبەر بەغدا.
وتیشی: گرفتی گەورەی هەرێم تێنەگەیشتنە لەتوانای خۆی و واقعی ناوچەكەو بەرژەوەندی وڵاتان.
باسی لەوەشکرد: دوو گرێبەست بە 110 ملیار دۆلار لەبارەی غازەوە رادەگەینیت و كێڵگەكان لەسەر سنوری ئێرانە، نابێت لێكدانەوەی هەبێت لەبارەی تواناو كاردانەوەی ئێران لەناوچەكە؟ ئێران چۆن لێدەگەڕێت ئەمریكا فرۆشتنی غاز بەعیراقی لێ قەدەغەبكات و لەبەرامبەریشدا هەرێمێكی بێ پەرلەمان و بێ هێزێكی یەكگرتووی پێشمەرگەو پەرتەوازە لەناوخۆ گرێبەستی سەرمایەگوزاریی 100 ملیاریی گازی سروشتی بكات؟
لەدرێژەی قسەکانیدا وتی: چۆن دەبێت ئەهلی سیاسەت بەدوو لێدوانی بەرپرسێكی ئەمریكا مەست ببێت. ئەو ئەمریكایەی ئەحمەد شەرعی خستبۆوە لیستی تیرۆرو ملیارەها دۆلاری بۆ شەڕی داعش تەرخانكرد، لەشەو و رۆژێكدا ترەمپ دەستی خستە دەستی و بەپیاوێكی ئازا وەسفیكرد! كەوایە نابێت لێدوانێكی ئەمریكا پفمان بدات!.
هۆکارەکانی بڕینی مووچەی مووچەخۆرانی هەرێم
گرفتی گەورەی هەرێم تێنەگەیشتنە لەتوانای خۆی و واقعی ناوچەكەو بەرژەوەندی وڵاتان.
No Comment! Be the first one.