هەرێم لە 48 سەعاتی داهاتوودا 120 ملیار رەوانەی بەغدا دەکات

چاویارنیوز _ بەپێی ئەو زانیارییانەی میدیای یەکێتی لەسەرچاوەیەکی تایبەتەوە دەستیکەوتووە، لە 48 سەعاتی داهاتوودا، هەرێم داهاتی نانەوتی بۆ مووچەی مانگی 8 کە بڕەکەی 120 ملیار دینارە، دەخاتە سەر ژمارەی بانکی وەزارەتی دارایی عێراق.
بەپێی زانیارییەکان، حکومەتی عێراق چاوەڕێ دەکات هەرێم ئەو بڕە پارەیە بخاتەسەر هەژماری وەزارەتی دارایی و حکومەتی عێراقیش پارەی مووچە بنێرێت، چونکە ڕەوانەکردنی ئەم داهاتە لەلایەن هەرێمی کوردستانەوە، راستەوخۆ پەیوەستە بە ناردنی مووچەی مووچەخۆرانی هەرێمەوە لەلایەن بەغدادەوە.
لای خۆشیەوە، ئامانج رەحیم سکرتێری ئەنجومەنی وەزیرانی هەرێم، ڕایگەیاند: وابڕیارە لەم هەفتەیەدا و بەگوێرەی ئەو گفتوگۆیانەی لەگەڵ سەرۆک وەزیرانی عێراق کراوە، بڕیاری خەرجکردنی مووچەی مانگی ئاب بدرێت.