چاویارنیوز _ ئەو سەرچاوەیە کە نەیویستووە ناوی بهێنرێت ڕایگەیاندووە، هه‌رێمى كوردستان دابه‌شى دوو ناوچەی سه‌ركردایه‌تىی سه‌ربازیى ده‌كرێت و وه‌زاره‌تى پێشمه‌رگه چاودێری دەکات، ئەمەش لەپێناو یه‌كخستنى هێزه‌كانى پێشمه‌رگه له‌چوارچێوه‌ى وه‌زاره‌تی پێشمەرگەدا، بەجۆرێک سه‌رۆكایه‌تیى ئه‌ركان شۆڕ ده‌بێته‌وه بۆ دوو ناوچەی یه‌ك و دوو، هه‌ر یەکێک لەو سه‌ركردایه‌تییانەش پێنج فیرقه‌یە و هه‌ر فیرقه‌یه‌ك له‌چه‌ند لیوایه‌ك پێكدێن.
ڕوونیشیکردۆتەوە، ئەو دوو سەرکردایەتییە بەجۆرێک دابەشکراوە کە سه‌ركردایه‌تى سه‌ربازیى یه‌ك، له‌هێزه‌كانى (80)ى پارتى دیموكراتى كوردستان و سه‌ركردایه‌تى سه‌ربازیى دوو له‌هێزه‌كانى (70)ى یه‌كێتیى نیشتمانیى كوردستان پێکدێن، به‌ڵام هه‌ردوو سه‌ركردایه‌تییه سه‌ربازییه نوێیه‌كه ڕاسته‌وخۆ سه‌ر به‌وه‌زاره‌تى پێشمه‌رگه ده‌بن.
بەپێی زانیارییەکانیش، بۆ تەواوکردنی کاری یەکخستنەوەکە، چاوه‌ڕوانى ده‌رچوونى مه‌رسومى سه‌رۆكایه‌تى هه‌رێم ده‌كرێت تا فیرقه‌كان ڕابگه‌یه‌نرێن، بەمەش تا مانگی 9ى ساڵى 2026، نابێت هیچ هێزێك بمێنێت به‌ناوى هێزه‌كانى 70و 80 له‌هه‌رێمى كوردستان.
گۆڕانکاریی بەسەر هێزەکانی 70 و 80دا دێت
سه‌رچاوه‌یه‌كى تایبه‌ت لە وه‌زاره‌تى پێشمه‌رگە کە قسەی بۆ میدیاکانی هەرێم کردووە، باسی لە په‌یكه‌رى نوێی وه‌زاره‌تی پێشمەرگە کردووە کە گۆڕانكاریى به‌سه‌ردادێت.
No Comment! Be the first one.